Најчесто поставувани прашања и одговори за имунизацијата против коронавирус: Заштитата од COVID-19 доаѓа седум дена по примање на втората доза на вакцина

Институтот за јавно здравје на Србија „Д-р Милан Јовановиќ Батут“ на својата веб-страница ги објавува одговорите на најчесто поставуваните прашања во врска со вакцинацијата против COVID-19. Во очекување на вакцините во земјава, донесуваме дел од нив

Затоа е важно да се носи маска и по вакцинацијата, со цел да се заштитат другите луѓе
Врз основа на резултатите од клиничките испитувања, заштитата може да се очекува по одреден временски период (обично седум дена) од примањето на втората доза на вакцина, иако одредена заштита се јавува по приемот на првата доза на вакцина. За интензитетот и времетраењето на имунитетот, важна е комплетната вакцинација, односно лицето да го прими предвидениот број дози на една вакцина
  • Дали вакцината против COVID-19 има несакани ефекти?

Како и секоја друга вакцина, и вакцината против COVID-19 може да предизвика очекувани, лесни несакани ефекти, како што се локални реакции на местото на апликација (болка, црвенило, оток), главоболка, малаксаност, покачена температура итн. Овие реакции најчесто поминуваат спонтано во рок од неколку дена.

Според моментално достапните податоци, потешките несакани реакции се исклучително ретки. Сепак, процесот на вакцинација постојано се надгледува поради следење на безбедноста на вакцините и откривање на несакани ефекти, колку и да се ретки.

  • Колку долго трае имунитетот после примање на вакцината против COVID-19?

Во овој момент, се уште не е познато времетраењето на имунитетот после вакцинирањето, исто како што не е познато ни колку долго трае имунитетот по прележана инфекција предизвикана од вирусот SARS-CoV-2.

Како и секоја друга вакцина, и вакцината против COVID-19 може да предизвика очекувани, лесни несакани ефекти, како што се локални реакции на местото на апликација (болка, црвенило, оток), главоболка, малаксаност, покачена температура итн.
  • Дали треба да се направат дополнителни испитувања пред вакцинацијата?

Пред самата вакцинација, лекарот утврдува постоење на контраиндикации, односно причини поради кои некое лице не смее да се вакцинира со одредена вакцина.

Покрај тоа, не е потребно да се прават други тестови, вклучително и лабораториски анализи.

  • Дали вакцината против COVID-19 треба да се дава на луѓе кои биле заразени со вирусот SARS-CoV-2 односно прележале COVID-19?

Луѓето кои биле заразени со вирусот SARS-CoV-2, без оглед дали имале симптоми на болеста или не, можат да се вакцинираат со вакцината против COVID-19, под услов да поминале најмалку четири недели од инфекцијата, односно лицето да е здраво во моментот на вакцинацијата.

Процесот на вакцинација постојано се надгледува поради следење на безбедноста на вакцините и откривање на несакани ефекти, колку и да се ретки
Луѓето кои биле заразени со вирусот SARS-CoV-2, без оглед дали имале симптоми на болеста или не, можат да се вакцинираат со вакцината против COVID-19, под услов да поминале најмалку четири недели од инфекцијата, односно лицето да е здраво во моментот на вакцинацијата
  • Дали вакцината се прима само во една или во повеќе дози?

Според моментално достапните информации, сите вакцини чија употреба е започнато во светот се даваат во две дози во одреден интервал (три или четири недели) со цел да се постигне соодветна заштита. Дали повторна вакцинација ќе биде неопходна по одреден временски период и со колку дози, сè уште не е познато.

  • После колку време од вакцинацијата, едно лице може да смета дека е заштитено од COVID-19?

Врз основа на резултатите од клиничките испитувања, заштитата може да се очекува по одреден временски период (обично седум дена) од примањето на втората доза на вакцина, иако одредена заштита се јавува по приемот на првата доза на вакцина. За интензитетот и времетраењето на имунитетот, важна е комплетната вакцинација, односно лицето да го прими предвидениот број дози на една вакцина.

ПОВРЗАНИ НАПИСИПОВЕЌЕ ОД АВТОРОТ