Бебе од Крагуевац, на кое при раѓање му била дијагностицирана инфекција со коронавирус, починало денеска на Универзитетската детска клиника „Тиршова“.
Инфекцијата со коронавирус довела до цитокинска бура, состојба која вклучува создавање на огромен број на имунолошки клетки и прекумерно производство на цитокини
Бебето се заразило уште додека било кај мајката во матката. Во првите часови по раѓањето бебето било добро, но во третиот час добило температура и набрзо ги развило сите симптоми на воспалението.
Новороденчето било приклучено на респиратор, но за време на лекувањето дошло до мултисистемско откажување на органите, па со лекарска придружба било пренесено на Универзитетската детска клиника „Тиршова“ поради продолжување на лекувањето.
За жал, третманот на респираторниот дистрес и секундарна пулмонална хипертензија не вродиле со плод.
Инфекцијата со коронавирус довела до цитокинска бура, состојба која вклучува создавање на огромен број на имунолошки клетки и прекумерно производство на цитокини. Оваа состојба се манифестира со тешко воспаление, пневмонија, отежнато дишење, воспаление на дишните патишта, а може да доведе и до застој на повеќе органи.
Најмлада жртва на коронавирусот во Србија
Бебето кое почина од последиците од инфекцијата со коронавирусот е најмладиот пациент во овој дел на светот кој се разболел од Ковид-19 и во исто време е најмладата жртва на опасниот вирус во Србија.
Најмладата жртва на Ковид-19 во светот е бебе старо два дена во Јужна Африка. Бебето било родено предвреме и било ставено на апарат за дишење. Починало во мај минатата година, пишува српски „Телеграф“.
