Назалните деконгестиви се лекови кои служат за спречување на прекумерното лачење секрет од носот. Тие не влијаат на причините за ова, но може да ги ублажат симптомите на вирусни и бактериски респираторни инфекции. Но, родителите не би требало да им ставаат на децата помлади од шест години, а децата од 6 до 12 години може да ги користат само доколку е неопходно, предупредуваат лекарите во студијата објавена во Британскиот медицински журнал.
Доказите кои ја потврдуваат ефикасноста на овие лекови се ограничени, а бидејќи повеќе настински и вирусни респираторни инфекции поминуваат за седум дена, лекарите препорачуваат проблемите со затнат нос кај деата да се решава на друг начин.
Децата од вакви инфекции, во просек шест до осум пати годишно се разболуваат, додека возрасните два до четири пати. Но, студиите покажале дека иако симптомите се непријатни, децата не може да дишат како што треба, ниту да спијат од затнатиот нос, сепак не треба да се посегне по капки.
Иако капките за нос на некое време ќе го решат овој проблем, не би требало да се користат кај децата, затоа што не се безбедни.
Во студијата се наведува дека „лековите од класата деконгестанати не би требало да се препишуваат на деца помлади од 12 години, бидејќи доказите за нивата ефикасност се ограничени, а постојат одредни ризици“, пренесува британскиот Мирор.
Но, солените раствори се сосема безбедни, иако не се толку ефикасни. Тоа значи дека на децата може во носот да им ставате солен раствор без никаков ризик, дури кога во прашање се бебиња. Физиолошкиот раствор ќе им помогне носето да им се исчисти. Физиолошкиот раствор не е лек, туку медицински посолена вода, која не е опасна и не може да ги оштети крвните садови ниту слузокожата на носот.
