Кога детето е опкружено со лица кои се самостојни и јаки личности, тогаш пред себе константно носат пример како би требало да се носи во разни животни ситуации.
Начинот на кој родителите се однесуваат кон децата е клучен за нивното формирање, а мајката игра најважна улога. Да се има независна мајка која е праведна и фер, внимателна, борбена и пожртвувана е вистински подарок, а само таа знае како успешно да ги насочи децата. Децата кои имаат силна мајка учат неколку важни животни лекции кои никогаш не треба да ги заборават.
Животот не е едноставен
Силната мајка нема да ја скрие суровата реалност во светот околу вас. Таа ќе ви покаже дека понекогаш можеби животот не е фер, но ќе ве научи и како да се носите со тоа. Низ животот, таа ќе ви покаже како да се борите кога работите ќе станат тешки.
Бидете независни
Зависноста од други лица не води никаде, а силната мајка ќе ве научи како да се грижите за себе и да продолжите понатаму, а да не ви биде потребна ничија поддршка. Секако, ќе ве научи и како да побарате помош кога навистина ви е потребна.
Оставете го минатото зад себе
Фокусирањето на минатото прави да заборавите дека живеете во сегашноста и дека планирате иднина. Никој тоа не го знае подобро од една силна мајка која од мали нозе ве учи да оставите се што ве влече назад, со цел да се фокусирате на светлата иднина.
Бидете трпеливи
Трпеливоста е доблест, а изненадувачки е што многумина ја немаат. Силните мајки не дозволуваат децата да им пораснат, а да не научат што е тоа трпение. Ги учат како да чекаат и дадат време, некои важни работи да се случат.
Својата среќа ја градите сами
Не треба да се потпирате на другите за да почувствувате радост и среќа. Вашата силна мајка тоа ве научила и ви покажала дека е можно самите да направите да бидете среќни и да не очекувате ништо од другите луѓе.
Вистинска безусловна љубов
Без разлика на се, вашата мајка секогаш ве сакала и секогаш ќе ве сака. Никогаш не стравувала да покаже колку многу се грижи за вас и дека сте и вие најважни во животот. Дава се од себе да бидете здрави и среќни, а преку својата љубов, ве учи како и вие да ги сакате другите.
Да се сакате себе
Како што е важно да ги сакате луѓето околу себе, исто така е важно и да се сакате себе. Таа ќе ви ја покаже важноста на грижата за себе и колку е важно да обрнете внимание на сопствените потреби во животот.
Како да бидете добар родител
Кога имате силна мајка, таа ги поставува стандардите што да очекувате од себе кога ќе станете родител и какви треба да тежнеете да бидете. Бидете благодарни што сте имале најдобар пример за родител, а вие ќе бидете исто и за своите деца.
