Со правилна исхрана, може да се спречат одредени негативни влијанија врз белите дробови на децата, кои доаѓаат како последица на живеењето во големи и загадени градови. Зелката, брокулата, морковот, портокалот, јаболката, интергалните житарки и рибата спречуваат воспаленија на носот и грлото, го јакнат имуниот систем и го прават организмот поотпорен.
Портокалите се богат извор на витамин Ц, кој го смирува воспалението, ги ублажува симптомите на настинка и еввентуалните оштетувања на ткивото предизвикано од инфекција.
Лососот како исклучително богат извор на омега 3 масни киселини и протеини, го ублажува воспалението и го стимулира производството на антитела.
Пробиотиците воспоставуваат бактериска рамнотежа и ја нормализираат работата на дебелото црево, орган во кој се сконцентрирано дури 80% од клетките на имуниот систем.
Зелката спаѓа во групата на зеленчук кои содржи изотиоцијанити, хемиски супстанци кои го намалуваат канцерогеното дејство на загадениот воздух.
Јаболкото е богато со антиоксиданти од семејството на флавоноиди, кои ги намалуваат воспаленијата и го стимулираат имуниот систем.
Сончогледот е богат со витамин Е. Овој витамин го подигнува нивото на антиоксиданти во течностите кои се наоѓаат во белодробните алвеоли.
Кромидот содржи природна дезинфекциона супастанца алицин, кој е одличен сојузник во борбата против вирусните и бактериски инфекции.
Морковот содржи бетакаротен кој го блокира дејството на слободни радикали и со тоа спречува појава на тумор на белите дробови.
