Иако најчесто се зборува за намирници кои имаат позитивен ефект за растот и развојот на детето во целина, треба да се издвојат и оние кои имаат посебен бенефит на одредени функции. Мозокот е еден од најгладните органи и токму затоа се она што ќе го изедеме значајно влијае и на нашите когнитивни функции. Токму затоа, ако сакате детето да биде подобро на училиште, полесно да помини и побрзо да се адаптира на промените, задолжително воведете некои од овие намирници во нивното стандардно мени.
Омега 3 масни киселини како основна храна на мозокот
Веќе е познато дека омега 3 масните киселини се неопходни за раст и развој на многубројни системи на органите, особено на нервниот и кардиоваскуларниот. Токму затоа, намирниците кои се богати со оваа киселина, треба да претставуваат основна храна за развојот на мозокот на детето. Лососот нека биде изброј број еден кога се во прашање омега 3 масните киселини. Многубројни студии покажале дека децата кои консумираат лосос еднаш во 7-10 дена подобро ги решаваат тестовите за кои е потребна ментална способност, како и дека побрзо и поефикасно ги помнат лекциите во училиште. Лососот има пријатен вкус кој заедно со неговата привлечна боја на децата им делува како интересна намирница.
Јајце – сила за организмот и за мозокот
Јајцата се најчеста и најсоодветна намирница без која не може да се замисли денот. Во разни форми јајцето се наоѓа во речиси секој оброк, а неговите нутритивни вредности се непроценливи. Освен што е значаен извор на протеини, жолчката е богата со холин, кој помага во развојот на меморијата. Било да е варено, ставено во сендвич, салата, или како омлет, или јајце на око, а можеби и како дел од некое комплексно јадење, вбројте ги јајцата во секојдневното мени на децата.
Шеќер храна за мозокот или мит?
Некои стручњаци велат дека шеќерот е неопходен за добро функционирање на мозокот што до некаде е и точно. Всушност, на мозокот му е неопходен постојан доток на глукоза, но тоа не значи дека глукозата треба да доаѓа од слатките. Најдобар избор на енергија на мозокот доаѓа до полнозрнестите житарки. Освен што се богати со влакна, тие го регулираат и постепениот влез на глукоза во клетките во споредба со слаткото, чии шеќери веднаш влегуваат во клетките. Житарките се богати со витамини од Б групата кои имаат позитивно дејство на целокупниот нервен систем. Овие житарки се многу практични, лесно достапни и ефикасни во секојдневната исхрана.
