Позната блогерка Мелиса Вилетс, мајка на четири деца, која преку својот блог “Your Modern Family” секојдневно дели совети за родителските проблеми, неодамна привлече внимание кога објави дека нејзините деца во 19 часот си легнуваат да спијат. На нејзиното кажување реагираа многу родители кои изјавуваат дека тоа не е добар став.
“Многумина ќе помислат дека сум луда или генијална, но сите мои деца пред 20 часот веќе се во кревет. Не само што целосно се согласувам со препораките на докторите дека на децата им е потребен адекватен сон за да бидат поздрави и посречни, туку истовремено сакам да го вреднувам сопственото време, без деца“, изјавила Вилетс.
Но, и науката го поддржала нејзиното кажување: кога децата порано си легнуваат да спијат, мајките се посреќни!
Австралиска студија повеќе од 10 години набљудувала илјадници деца. Истражувачите на секои две години спроведувале интревјуа за да ги проценат семејствата, нивното ментално здравје и навики на спиење. Анализата покажала дека не само што децата кои си легнуваат пред 20 часот биле многу позрави и воделе поквалитетен живот, туку истото важело и на нивните мајки.
Ако вашите деца не легнуваат порано, ќе ви ди претставува напор тоа да им го наметнете како нов распоред. Во суштина, поентата е да поставите рутина до која децата ќе се придржуваат секојдневно. Доколку вашата сегашна рутина е таква да децата си легнуваат подоцна од кога вие тоа го сакате, обидете се секој ден да го поместувате време за легнување на 15 или 30 минути порано. За неколку дена ќе забележите позитивни промени како кај децата, така и кај себе, објаснуваат стручњаците.
