Виролозите велат дека инфекцијата со коронавирусот не треба да се сфаќа „здраво за готово“. „Вие навистина сакате вашето тело да се опорави“, вели кардиологот Сузан Ченг. „Дајте си колку што е можно повеќе време за опоравување за да закрепнете што е можно повеќе“, додава тaa.
Експертите предупредуваат што никако не треба да правите ако имате коронавирус.
Дури и ако вашата инфекција со коронавирус е блага, обрнете внимание на тоа како навистина се чувствувате
- Немојте да работите од дома
Ако сте болни од Ковид-19, не работете од дома. Да, да се остане дома е подобро отколку да шетате наоколу и да заразувате други луѓе, но недоволното одморање може да го направи вашето закрепнување значително подолго. Одвојте време за одмор и фокусирајте се на тоа да ви биде подобро, велат лекарите. „Спиењето е еднакво на имунитет. Не би сакале да го попречувате вашиот имунолошки систем со ништо друго“, вели д-р Ченг.
- Сонот и имунолошкото здравје
Сонот е клучен за имунолошкото здравје и закрепнување, велат експертите. „При секоја акутна инфекција, а особено со Ковид, одморот е важен. Доволно сон му дава на имунолошкиот систем добра рамнотежа“, вели д-р Кејтлин МекОли, која работи во клиника за закрепнување од Ковид.
„Често не сакаме да си го признаеме фактот дека кога сме болни, не функционираме добро ниту ментално. Затоа, пожелно е да си дадете барем три до пет дена одмор“, вели таа.
- Не го потценувајте вирусот
Дури и ако вашата инфекција со коронавирус е блага, обрнете внимание на тоа како навистина се чувствувате.
„Луѓето можат да бидат добро 10 до 12 дена, а потоа одеднаш нагло да се разболат“, вели епидемиологот Тимоти Бру. „Само затоа што сте поминале добро во првата недела, не значи дека ќе бидете подобро во втората или во третата недела. Вашето тело е прилично добро во кажувањето што навистина ви треба. Затоа, ако се чувствувате уморно и болно, веројатно вашето тело ви кажува „вратете се во кревет“.
- Работата од дома го отежнува одморот
Работењето од дома стана стандард за многу луѓе од почетокот на пандемијата, но тенката линија помеѓу работата и приватниот живот дома може да го отежне одморот. „Вашата работа треба да биде флексибилна, но во тоа е и проблемот – не контролирате секогаш кога ќе работите“, вели професорката на Универзитетот „Санта Барбара“ Ајлин Борис за „Eat This“.
