НЕРВОЗА, СЛАБОСТ, ГУБЕЊЕ НА АПЕТИТ: Препознајте недостаток на калциум кај детето

Хипокалцемијата е состојба кога нивото на калциум во крвта на детето е многу ниско, а овие се симптомите.

Калциумот е минерал кој му е потребен на телото за да изгради коски и заби. Помага и за добро функционирање на нервите, мускулите и срцето. Хипокалцемијата е состојба кога нивото на овој минерал во крвта на детето е прениско, што подоцна може да влијае на појавата на проблеми со коските и нервите. Симптомите на недостаток на калциум првенствено зависи од тоа колкав е неговиот недостаток и од тоа колку брзо се случило намалувањето. Во тој случај, детето може да:

  • Биде нервозно
  • Повраќа
  • Чувствува слабост и поспаност
  • Се грчи и тресе
  • Послабо јаде
  • Се чувствува тромо
  • Има епилептични напади

Исто така, некои деца може да имаат знаци на рахитис – метаболичко нарушување карактеристично за детската возраст, а освен калциумот, го предизвикува и недостатокот на на витамин Д и фосфат, пренесува “Kids Health”.

Калциумот во крвта може да биде премногу низок ако детето не внесува доволно млечни производи или има премалку витамин Д, кој му помага на телото да го апсорбира калциумот. Иако се јавува доста ретко, новородените бебиња може да имаат и неонатална хипокалцемија, здравствен проблем што предизвикува нерамнотежа на калциум во телото.

Како што објаснуваат педијатрите, хипокалцемијата е почеста кај бебињата отколку кај постарите деца. На најголем ризик се изложени предвремено родените бебиња со мала родилна тежина или бебињата чии мајки имале проблем со дијабетес.