Истражувањето на Универзитетот Јеил сугерира дека луѓето кои не се вакцинирани против коронавирус може да се инфицираат во просек на секои 16 месеци.
Професорот Џефри Таунсенд и неговите колеги од Универзитетот Јеил анализирале познати реинфекции и имунолошки податоци од други коронавируси, вклучително и оние кои предизвикуваат САРС, МЕРС и настинки.
Комбинирајќи го ова со антитела и други имунолошки податоци од луѓе кои се опоравиле од SARS-CoV-2, успеале да изградат модел со кој ќе можат да го предвидат ризикот од повторна инфекција со Ковид-19 со текот на времето.
Повторните инфекции ќе станат почести како што слабее имунитетот
Истражувањето, објавено во научното списание „The Lancet Microbe“, сугерира дека повторните инфекции ќе станат се почести како што слабее имунитетот, особено кога бројот на инфекции е висок.
Ако не сте вакцинирани, треба да се вакцинирате, а ако сте биле заразени, сепак треба да се вакцинирате бидејќи тоа ќе го продолжи времетраењето на вашата заштита
„Ако немавме контрола на инфекцијата, кога никој не би се маскирал или социјално дистанцирал, кога би немало вакцини, би требало да очекуваме повторна инфекција во период од три месеци до пет години – што значи дека просечен човек треба да очекува да заболи од Ковид на секои три месеци до пет години“, рече Таунсенд.
Во модел каде што сите биле заразени или вакцинирани против вирусот, невакцинираните поединци би можеле да очекуваат да бидат реинфицирани со Ковид-19 приближно на секои 16-17 месеци во просек, покажала студијата.
„Нашите резултати се засноваат на просечните времиња на слабеење на имунитетот кај повеќе заразени лица“, изјави коавторот на студијата Хејли Хаслер. „Секој од тие поединци може да искуси подолго или пократко времетраење на имунитетот во зависност од имунолошкиот статус, вкрстениот имунитет, возраста и повеќе други фактори“.
Ако вирусот беснее во која било возрасна група, ќе беснее во сите возрасни групи
Претходна студија спроведена во Данска, објавена во март оваа година, покажала дека кај постарите луѓе отпорноста на коронавирус опаѓа значително побрзо отколку кај помладите, но дека и двете групи со текот на времето го губат стекнатиот имунитет против вирусот SARS-CoV-2.
Таунсенд вели дека вирусот, ако му дозволите да дивее во која било возрасна група, тогаш ќе дивее во сите возрасни групи.
„Ако не сте вакцинирани, треба да се вакцинирате, а ако сте биле заразени, сепак треба да се вакцинирате бидејќи тоа ќе го продолжи времетраењето на вашата заштита“, рече Таунсенд.
