Помалку од 30 проценти од пациентите кои биле хоспитализирани поради КОВИД-19 имале симптоми и по отпуштањето од болница, велат дека се чувствуваат комплетно опоравени една година подоцна, покажала студија која нуди увид во потенцијалните третмани на болеста.
Со развојот на пандемијата, се поголем број на истражувања откриле дека КОВИД-19 не е само што шредизвикува здравствени проблеми краткотрајно, туку има и долгорочни последици.
Сега студија открила дека кај голем број од оние кои имале долготрајни симптоми по хоспитализацијата, воочено е мало подобрување.
Нивната состојба околу 12 месеци по отпуштањето е слична на онаа по пет месеци по излегувањето од болница.
“Единствено секој трет учесник во истражувањето се чувствуваше целосно опоравен во рок од една година“, вели Рејчел Еванс, една од истражувачите на постхоспитализациската студија за КОВИД-19, што ја спровел Националниот институт за здравствени истражувања во Лестер.
Тимот собрал податоци од пациенти со анкетирање и здравствени прегледи на кои има била анализирана физичката подготвеност и функцијата на одредени органи.
Студијата опфатила 2320 возрасни лица кои биле прегледани околу пет месеци по излегувањето од болница и повторно 924 од нив, околу една година по излегувањето од болница, од кои 807 биле опфатени со претходен преглед.
Помеѓу пет месеци и една година по отпуштањето, бројот на испитаници кои изјавиле дека се чувствуваат закрепнати останал многу сличен – нешто помалку од 30 проценти, а истото било и со доминантните симптоми, меѓу кои биле отежнато дишење, немоќ и болка.
Воочено е мало или никакво подобрување во подрачјата кои вклучуваат функција на органи, физичка кондиција и когнитивни проблеми, т.н. ‘мозочна магла’ – кај приближно секој десетти пациент кој и понатаму се жалел на ментален симптом 12 месеци по отпуштањето.
“За жал, не видовме подобрувања во рок од една година во споредба со онаа кај лицата пет месеци по отпуштањето“, вели Еванс.
Тимот открил и дека испитаниците се групирале во една од четири групи: многу тешки симптоми, тешки симптоми, благи симптоми и оние со изразена ‘магла во главата’ и други умерени симптоми. Додека оние во благата група во просек пријавиле четири симптоми, оние од многу тешката група пријавиле 20 симптоми.
