БРИТАНСКА СТУДИЈА: Омикрон помалку успешно ги напаѓа белите дробови, што значи дека е помала опасноста од тешки форми на КОВИД-19

Британско истражување покажали дека омикрон варијантата на коронавирусот може да биде помалку успешна во нападот на белите дробови од претходните варијанти на вирусот што ја предизвикува болеста КОВИД-19.

Студија на Институтот за тераписка имунологија и заразни болести Кембриџ заклучила дека мутациите на шилците на вирусот, поради кои омикрон може да избегне антитела, можат да го ограничат и начинот на кој вирусот се реплицира во белите дробови, што е поврзано со развојот на тешка форма на болеста.

“Овие заклучоци укажуваат на тоа дека омикрон развил способност за избегнување на имуниот систем, но истовремено е загрозена неговата способност за репликација и негова патогеност“, се наведува во студијата.

Авторот на истражувањето, Рави Гупта, професор по клиничка микробиологија на Кембриџ, вели дека пред нас се предзвици, и покрај навидум позитивните заклучоци од студијата.

“Што значи сето ова? Ефективната инфекција на белодробните клетки може да биде во корелација со сериозноста на белодробната болест. Делта беше многу успешна во инфицирање на ткивото на белите дробови и создавање на тешка форма на болеста, за разлика од омикрон. Потребни се дополнителни истражувања“, вели проф. Гупта.

“Да сублимираме – овој труд сугерира дека омикрон стана поотпорен на имунитетот, но дека неговите својства поврзани со напредувањето на болеста може да бидат во одредена мера ослабени. Значајното пирење на омикрон сепак претставува голем предизвик за јавното здравство“, потенцира професорот.