Трудниците со КОВИД-19 поретко покажуваат вообичаени симптоми на оваа болест, но се сколни кон зголемен ризик од прием на одделите за интензивна нега во споредба со жени на слична возраст, открива студија објавена во The BMJ. Исто така, поверојатно е дека тие ќе се породат предвреме, а нивните новороденчиња ќе се згрижат на неонатален оддел.
Наодите покажуваат дека и возраста, прекумерната телесна тежина и веќе посточеките медицински состојби како хипертензија и дијабетес, го зголемуваат ризикот од тешка форма на КОВИД-19 кај овие жени.
Се смета дека трудниците се високоризична група кога станува збор за КОВИД-19, а постои и загриженост поради потенцијалните штетни ефекти на вирусот на мајката и бебето. Но, сите објавени рецензии за КОВИД-19 во бременоста брзо застаруваат, како се појавуваат нови докази.
Така, меѓународен тим на истражувачи започнал систематски преглед со споредување на клиничката слика, ризик факторите и исходите на КОВИД-19 кај бремените жени и родилките и ги споредил со наодите на други жени на проближна возраст.
Нивните откритија се темелат на 77 студии кои информираат за стапката, симптомите, лабораториските и рентгенски наоди, како и ризик факторите и исходите кај 11.432 трудници и родилки кои биле примени во болница поради сомневање или потврда дека се заразени со КОВИД-19. Во споредба со други жени на репродуктивна возраст, тие откриле дека трудниците и тазе родилките со КОВИД-19 поретко пријавуваат симптоми како висока температура и болки во мускулите, но и дека почесто се хоспитализирани на одделите за интензивна нега со употреба на респиратор и вентилатор.
Ризик факторите за развој на тешка форма на КОВИД-19 биле постара возраст, висок индекс на телесна маса, хроничен висок крвен притисок и веќе постоечки дијабетес.
Бремените жени со КОВИД-19 биле и склони кон предвремено породување. Секое четврто бебе кое го родила мајка заболена од КОВИД-19 било испратено на неонатален оддел. Но, стапаката на мртвородени била ниска.
Истражувачите предупредуваат на потребата од што подобра медицинска грижа за трудниците, со олеснет пристап на интензивна нега и специјализирани установи за нега на бебињата. Покрај тоа, мајките со веќе постоечки коморбидитети треба да се сметаат за ризична група за КОВИД-19, заедно со жените со вишок килограми и оние на постара возраст, стои во извештајот.
