Физичко дистанцирање без заштитна маска, дури и на отворено, не е доволно ефикасна заштита од коронавирус доколку не се носат маски, е заклучокот на новото истражување на Универзитетот во Кембриџ, објавено во журналот „Physics of Fluids“. Истражувачите тврдат дека широката употреба на маски може да ја намали стапката на пренос на инфекција за 53 проценти.
Научниците препорачуваат маските да се носат и на отворено, а особено во затворени простори, бидејќи заразените луѓе кои носат маска ќе „испратат“ 80 проценти помалку вирус во воздухот, а другите луѓе кои исто така носат маска ќе вдишат до 50 проценти помалку честички од вирусот.
Студијата на Универзитетот во Кембриџ покажала дека капките после кашлање, дури и оние најзаситените, можат да „летаат“ подалеку од два метри, што е инаку генерална препорака за дистанцирање
Во студијата бил користен компјутерски модел за мерење на растојанието на капките кои настануваат од кашлање. Утврдено е дека и два метри оддалеченост не штити од потенцијална инфекција ни на отворено.
Експертите ги повикаа луѓето да продолжат да носат маски и на отворено и во затворен простор, особено во текот на зимата.
Имено, лице заразено со Ковид-19 доколку не носи маска може да ги зарази другите и на растојание од два метри. Како што минува времето, а коронавирусот и понатаму опстојува, научниците имаат се повеќе и повеќе знаења за тоа што е подобра, а што полоша заштита. Тоа резултираше и со промени во препораките во однос на почетокот на пандемијата.
Ова особено важи за маските за кои првично беше кажано дека нивното носење не влијае на преносот на инфекцијата, но се покажа дека тоа е една од поефикасните мерки, па набрзо беа воведени во сите затворени простори.
Експертите нагласуваат дека покрај вакцинацијата, која е апсолутно најдобрата заштита, во текот на зимата не смее да се заборави често да се проветруваат просториите и да се носат маски и во затворено и на отворено.
Студијата на Универзитетот во Кембриџ покажала дека капките после кашлање, дури и оние најзаситените, можат да „летаат“ подалеку од два метри, што е инаку генерална препорака за дистанцирање.
