Лабораториско истражување спроведено на глувци покажало дека цревниот микроиом на мајката може да помогне во развојот на постелката и да придонесе за здрав раст на фетусот. Имено, се покажало дека бактеријата Bifidobacterium breve, која има позитивни ефекти на здравјето кај глувците и луѓето, го менува телото на мајката за време на бременоста и влијае на структурата на посетлката и транспортот на хранливи материи, што влијае на растот на фетусот.
Инаку, бактеријата Bifidobacterium breve, нашироко се користи како пробиотик, па оваа студија би можела да укажува на начините на борба против компликациите во бременоста и обезбедувањето на здрав почеток на живот.
Од претходно е познато дека микробите во нашите црева, заеднички наречени цревен микробиом, играат клучна улога во одржувањето на здравјето преку борба против инфекциите и влијанието на имуниот систем и метаболизмот на телото на домаќинот. Тие, овие корисни ефекти ги постигнуваат со разградување на храната во нашата исхрана и ослободување на активни метаболити кои влијаат на клетките и процесите на телото.
