Ново истражување покажува значајно зголемување на репродуктивната возраст кај жените

Ново истражување покажува дека репродуктивниот век кај жените е продолжен и тоа за повеќе од две години!

И покрај мислењето на медицинската фела дека дваесетите години се оптимално време за жената сигурно да постигне и да ја износи бременоста, како и дека плодноста почнува да опаѓа по триесетите години, а бременоста по 35. се смета за “геријатриска“, резултати од истражување одат во прилог на жените и им даваат надеж на сите оние кои не се целосно сигурни во идните планови поврзани за формирањето семејство.

Најновото истражување објавено во Journal of American Medical Association покажало дека просечната репродуктивна возраст е зголемена од 35 на 37,1, што е период подолг од две години.

Се чини дека тој тренд постои веќе некое време, со оглед дека просечната возраст за влез на жените во менопауза постојано се зголемува во целиот свет, а тоа за возврат го зголемил и репродуктивниот животен век и потенцијално го олеснало зачнувањето кај жените во средни или подоцни триесети години.

Студијата го проучувала трендовите во изминатите 60 години, истражувајќи ја и просечната возраст на природна менопауза и репродуктивниот животен век кај жената, фокусирајќи се на факторите кои се директно поврзани со жените во САД.