Правилната исхрана е важна за сите, особено за децата, кај кои може да го стимулира растот и развојот на мозокот. Најважна е храната богата со омега-3 масни киселини, фолати, железо, јод, цинк, холин и витамини А, Б12 и Д. Д-р Ума Наиду, нутриционистка од Харвард, за CNBC сподели некои намирници за мозокот кои можат да им помогнат на децата да останат фокусирани.
Смути
Смути е одличен начин да ги вклучите здравите хранливи материи во исхраната на вашето дете. Во смутито можете да додадете спанаќ, кој е богат со фолна киселина и растителни влакна, додека чиа семките или јаткастите плодови ќе обезбедат омега-3 масни киселини, влакна и протеини. Можете да го подобрите вкусот со додавање боровинки богати со антиоксиданти, додека обичниот, незасладен јогурт ќе му даде на смутито кремаста текстура и ќе обезбеди доза на пробиотици за здрави црева.
Крцкав зеленчук
Децата обично не сакаат варен зеленчук, па затоа е подобро да го подготвувате во рерна или фритеза. Така ќе биде крцкав и сочен.
Хумус
Мешунките се богати со железо, цинк, протеини и растителни влакна. Сето горенаведено е неопходно за развој на мозокот. Ако вашето дете не сака да јаде мешунки, можете да ги претворите во хумус, кој одлично оди со крекери, домати, краставици, моркови или парчиња јаболка.
Јајца
Јајцата се одличен извор на витамини А, Д и Б12, како и холин. Докажано е дека холинот го подобрува развојот на мозокот и долгорочната меморија. Јајцата се исто така богати со омега-3 масни киселини и витамин Е.
Лосос
Лососот е благ за мали деца. Тој е добар извор на витамин Б12 и омега-3 масни киселини, кои го поттикнуваат развојот на мозокот и подобро расположение.
