Јужноафриканската лекарка која прва се посомнева во новиот сој на коронавирус, д-р Анџелик Коци, тврди дека симптомите на омикрон се благи и дека не е потребно болничко лекување. Засега има малку информации за тоа како новиот сој ги погодува луѓето надвор од Јужна Африка и дали симптомите на омикрон ќе бидат исти.
Моментални симптоми
Светската здравствена организација моментално нема информации кои сугерираат дека симптомите поврзани со омикрон се разликуваат од другите соеви. Сепак, јужноафриканската лекарка д-р Коци вели дека заморот бил еден од главните симптоми кои ги пријавувале нејзините пациенти. Таа напоменува и дека заразените се жалеле и на гребење во грлото, благи главоболки и болки во телото. Нагласува дека пациентите досега не пријавиле никакво губење на мирисот или вкусот и дека не дошло до поголем пад на нивото на кислород, што е често случај кај делта сојот.
Засега има малку информации за тоа како новиот сој ги погодува луѓето надвор од Јужна Африка и дали симптомите на омикрон ќе бидат исти
Британските научници открија дека омикрон може да го скрати интервалот помеѓу инфекцијата и заразноста во споредба со другите соеви, што ја зголемува ефикасноста на тестирањето и затоа им се препорачува на патниците да се тестираат што е можно временски поблиску до нивното патување, а не 48 часа порано како што беше случај. Професорот и директор на Институтот за здравствени истражувања во Африка, Вилем Ханеком изјави за „Sky News“ дека од новиот сој главно заболуваат помладите и невакцинираните луѓе, додека вакцинираните имаат поблаги симптоми и смета дека тоа е уште една добра причина зошто луѓето треба да се вакцинираат.
Сè уште не се знае доволно за новиот сој
Д-р Анџелик Коци, лекар и претседател на Јужноафриканската медицинска асоцијација, изјави за „Ројтерс“ дека нејзините седум пациенти имале симптоми на омикрон кои биле многу благи во споредба со доминантниот делта сој. Научниците ширум светот го истражуваат новиот сој за да испитаат колку е тој пренослив и дали сегашните вакцини можат да заштитат од него. Засега има малку информации за тоа како новиот сој ги погодува луѓето надвор од Јужна Африка и дали симптомите на омикрон ќе бидат исти.
Д-р Анџелик Коци заклучува дека омикрон ги погодува луѓето на возраст од 40 години или помлади. Речиси половина од пациентите со симптоми на омикрон не биле вакцинирани. Во споредба со Велика Британија, Јужна Африка има многу помлада популација што може да објасни зошто пациентите не биле сериозно болни од новиот сој на Ковид-19.
