Многу родители веруваат дека разводот ќе предизвика непоправлива штета врз нивните деца. Некои родители се толку загрижени за ова што остануваат во несреќни, па дури и насилни бракови со години. Но, што велат експертите? Дали е секогаш најдобро да останете заедно заради децата или понекогаш разводот е сепак подобра опција? Како што објаснува психологот Дона Метјуз, краткорочно гледано, родителите во некои случаи треба да останат заедно заради децата.
Истражувања покажуваат дека кај децата на разведени родители се јавуваат чувства како што се лутина, вознемиреност, неверување, страв, вина, попуштање во училиште и проблеми во однесувањето, емоционални проблеми и одредени ризични однесувања
„Имено, децата најдобро напредуваат во безбедни семејства со двајца родители кои ги сакаат и се сакаат еден со друг. Разделувањето од кој било вид е крајно вознемирувачко, стресно и дестабилизирачко за секое дете, освен ако не постои родителска злоупотреба или конфликт“, открива Метјуз.
Меѓутоа, долгорочно гледано, разводот може да доведе до посреќни исходи за децата. Кога нивните родители се караат или се целосно некомпатибилни, разводот може да биде олеснување за децата.
Ако добро се постапува со промените во семејната структура, децата доживуваат привремени нарушувања, но можат да постигнат долгорочна отпорност и сила, објаснува психологот за „Psychology Today“, додавајќи дека само децата израснати во стабилни заедници се способни да водат среќен и продуктивен живот како возрасни.
„Ако воопшто е можно, треба да се потрудите вашиот брак да успее. Меѓутоа, немојте ни случајно да останувате во несреќна врска само заради вашите деца, бидејќи тоа не е ниту здраво, ниту препорачливо“.
Долгорочно гледано, разводот може да доведе до посреќни исходи за децата. Кога нивните родители се караат или се целосно некомпатибилни, разводот може да биде олеснување за децата
Многу истражувања покажуваат дека кај децата на разведени родители се јавуваат чувства како што се лутина, вознемиреност, неверување, страв, вина, попуштање во училиште и проблеми во однесувањето, емоционални проблеми и одредени ризични однесувања. Повеќето деца чии родители се разведуваат се прилагодуваат на новата ситуација во рок од една или две години и не покажуваат ниту еден од овие академски, бихејвиорални или психолошки проблеми.
Големите долготрајни студии покажуваат дека иако многу деца имаат краткорочни проблеми и неуспеси, огромно мнозинство од нив целосно закрепнуваат по една или две години. Севкупно, дури и по родителскиот развод, децата стануваат добро приспособени возрасни личности сè додека имаат барем еден родител полн со љубов кој останува посветен на нивната благосостојба.
Иако трпат неизбежна штета веднаш по разводот, а понекогаш и до крајот на животот, децата можат да имаат корист од тоа да видат како нивните родители се одлучуваат за среќа, наместо да живеат во нездрава и несреќна заедница, нагласува психологот.
