Нова студија засега ги намали надежните за природна имуност без вакцинација. Научниците од Империјал колеџот во Лондон истражиле примероци од 365.000 лица во Англија и пронашле индиции дека имунитетот со тек на време опаѓа.
Колку долго трае имунитетот по заболување со КОВИД-19?
Тоа зависи од повеќе фактори. Пред се од возраста. Кај лица постари од 75 години, многу побрзо исчезнувале создадените антитела, отколку кај помладите пациенти, покажала студијата на британските научници. Освен тоа, создавањето на антитела варирало со оглед на тежината на преболената болест. Интересено е дека бројот на антитела побавно се намалувал кај лицата вработени во здравството, што би можело да укажува на повторно или посилно изложување на коронавирусот, велат научниците. Значи, дали имуноста ќе трае со недели или со месеци, зависи од инфицираното лице.
Во друга студија, спроведена на Харвард и на Универзитетот во Торонто, научниците утврдиле дека најмногу антитела имало две до четири недели од инфекцијата, но по тој период, нивниот број се намалувал. Нивото на антитела околу четири месеци било зголемено, па се тргнува од тоа дека во овој период постои имуност, вели Ришел Чарлс, автор на студијата. Но, реален доказ за постоење на имунитет за КОВИД-19, не е ниту оваа студија. Така што, се уште нема одговор на прашањето за трајност на имунитетот против новиот коронавирус.
Зошто постојат различни тврдења за имунитетот?
Тоа зависи од местото на истражување, периодот и големината на студијата. Бројни научници се согласуваат дека прашањето за имунитет на КОВИД-19 се уште не е доволно истражено.
Мораат ли лицата по опоравување од КОВИД-19 да се придржуваат на мерките за заштита?
Мораат. Од правен аспект, нема разлика помеѓу оние кои го преболеле КОВИД-19 и оние кои не биле инфицирани. Мерките за заштита се различни од земја до земја. Од медицински аспект и лицата по опоравување од КОВИД-19 мораат да се придржуваат до мерките за заштита, бидејќи прашањето на имуност, како што пишува погоре, не е јасно, а освен тоа, во меѓувреме се познати и повеќе случаи на повторна инфекција.
Постојат ли лица кои по заболување со КОВИД-19 не создаваат имунитет?
И за тоа постојат индиции. Една американска студија меѓу маринците, покажала дека 42 процент од војниците немале неутрализирачки антитела во крвта. Кинеска студија пак покажала дека антитела немале шест проценти од пациентите. Тоа значи дека не е сигурно дали секој човек создава имунитет по инфекција со новиот коронавирус.
