Откриваме како едноставно да ги отстраните дамките од бебешката облека

Секоја мајка знае дека со доаѓањето на бебето, почнува циклус на често пресоблекување и прење на облеката. Кога велиме често, се мисли и на неколку пати во текот на денот.

Секоја облека, по купувањето потребно е да се испере, особено кога станува збор за бебешка. За перење на детската облека важат сите основни правила за редовно перење на облека: одвојување по боја, правилно чистење на дамките, читање на упатствата на етикетите на облеката… Но, ние ви претставуваме уште неколку совети кои ќе ви олеснат овој процес.

Ситните парчиња во вреќа

За време на перењто и сушењето, ставете ги чорапите и истанатите ситни делови од бебешката облека во мрежаста вреќичка. Тоа ќе ви помогне се да остане на едно место, и да не ви исчезнуваат чорапчиња и други помали алишта.

Изберете вистински детергент

Течните детергенти во овој случај се добар избор, оти се испираат подобро од прашакот, кој може да предизвика иритација на бебешката кожа. Ако сте загрижени дека обичниот детергент може да биде прегруб,  бирајте средства за перење кои се наменети за чувствителна кожа, кои не содржат бои и парфеми.

ОТСТРАНЕТЕ ГИ ДАМКИТЕ БЕЗ ПРОБЛЕМ

Дамки од протеини (формула, мајчино млеко, столица): Натопете ги дамките во ладна вода користејќи детергент кој содржи ензими. Ако тоа не успее, обидете се со сода бикарбона и оцет. Во идеален случак, не треба да дозволите дамката да се исуши, а ткаенината треба да се натопи од внатрешната страна на која е дамката, оти би можело дамката да се потисне подлабоко во ткаенината.

Дамки од урина: Разредете амоњак во е мала шолја и нанесете го директно на валканиот дел. Но, претходно на мал дел проверете дали ќе ја обледи ткенината, После тоа, можете нормално да ја перете облеката.

Дамки од овошје и зеленчук: Постојат многу методи кои може да помогнат да се отстранат овие дамки. На пример, може да помешате бел оцет и вода, во размер пола-пола, или пак да комбинирате алкохолен оцет и лимон во размер 1:1. Во секој случај, важно е дамката да ја исперете во ладна вода и потоа нормално да ја исперете.