Легнувањето, односно одењето во рекевт понекогаш може да биде вистинска борба со децата. Додека родителите упорно се обидуваат да ги смират и да ги однесат во кревет, малите постојано велат „уште само пет минути“ и секогаш се сеќаваат на нешто друго – гладни се, жедни се, би сакале да земат уште една играчка…
Едноставно, повеќето мали деца не сакаат да си легнат, но факт е дека им е потребно за да функционираат нормално. Сосема очекувано, ако не спијат доволно, тогаш се намќорести, нерасположени, плачливи…
Педијатарката д-р Кетрин, споделува седум знаци кои покажуваат дека вашето дете многу доцна легнува за спиење, а истакнува дека „зевањето и цимолењето се доцни знаци на замор“.
Оваа мајка на четири деца вели дека повеќето мали деца треба да си легнат помеѓу 19:30 и 20:30 часот, и дека ако останат будни подолго, потешко е да ги „натерате“ да си легнат потоа.
Овие знаци се показатели дека детето заспива предоцна:
- Тешко се буди наутро
- Месечари
- Се буди во текот на ноќта
- Се бори да не заспие
- Станува хиперактивно
- Се спротивставува на сè
- Нерасположено е плачливо во текот на денот
Д-р Кетрин ги советува родителите да обрнат внимание на раните знаци на замор, кои се појавуваат пред прозевањето. Тие може да вклучуваат:
- Детето станува мрзоволно и се „лепи“ до мама (или тато).
- Губи интерес за играчки
- Има ненадејни изливи на емоции без очигледна причина
- Станува трапаво
Таа препорачува да, доколку вашето дете покажува знаци дека доцна си легнува, треба пред се да го поместите времето за спиење до 30 минути порано за да „избегнете драма, да спиете подобро и да имате посреќни утра“.
