Не е тајна дека сите три вакцини одобрени за итна употреба (н.з. во САД) имаат несакани ефекти, но добрата вест е што тие имаат тенденција да бидат само благи до умерени и обично траат не повеќе од 48 часа. Во споредба со природната инфекција со самиот коронавирус, ова е мала цена да се плати за ниво на заштита што ја заработи „екстремната доверба“ на експертите
Додека очекуваме вакцините против Ковид-19 да пристигнат и во нашата земја, веројатно се прашувате што е она што може да очекувате со вакцинирањето. Не е тајна дека сите три вакцини одобрени за итна употреба (н.з. во САД) имаат несакани ефекти, но добрата вест е што тие имаат тенденција да бидат само благи до умерени и обично траат не повеќе од 48 часа. Во споредба со природната инфекција со самиот коронавирус, ова е мала цена да се плати за нивото на заштита што ја заработи „екстремната доверба“ на експертите, вклучувајќи го и советникот за Ковид-19 на Белата куќа, д-р Ентони Фаучи, пишува „Best Life“.
Но, која опција за вакцинирање има најниска стапка на несакани ефекти?
Податоците се тука, а постои една вакцина што се чини дека ги надминува другите кога станува збор за удобноста на пациентот. Според извештаите од клиничките испитувања, обезбедени од Агенцијата за храна и лекови на САД (ФДА), јасно е дека вакцината против Ковид-19 на „Џонсон и Џонсон“ е со најмала веројатност да предизвика четири од најчестите поплаки по вакцинирањето: болка на местото на инјектирање, замор, главоболка и болка во мускулите.
Бидејќи „Фајзер“ и „Модерна“ имаат план за вакцинација со две дози, а „Џонсон и Џонсон“ доаѓа во една доза, некои приматели на две дози имаат дополнителна непријатност двапати да ги доживеат несаканите ефекти. Податоците на ФДА покажуваат дека вторите дози на вакцини имаат тенденција да дадат и поголема стапка на несакани ефекти, а анегдотално, многу луѓе пријавуваат дека нивните симптоми добиваат на интензитет при примање на втората доза, пренесува „Best Life“.
