Здружението на педијатри на Србија предупреди дека, поради ширење на омикрон варијантатат на коронавирусот, е извесен голем пораст на бројот на заразени и хоспитализирани деца, а посебно се чувствително децата до четиригодишина возраст.
Тие апелираат оние родители кои досега тоа не го направиле, да се вакцинираат и да примат трета, бустер доза, но и да се имунизираат децата постари од 12 години.
“Единствено што можеме да направиме за да ги заштитиме таквите деца е ние да се вакцинираме. Конкретно, во овој случај, родителите, односно воспитувачите, односно наставниците и учителите во училиштата кај постарите деца, кај кои засега не постои значаен пораст на бројот на болнички лекувани деца. Децата се најсилната алка во пандемијата КОВИД-19, значи поретко се разболуваат и имаат поблаги клинички слики. И тоа важи и за омикрон. Оваа варијанта е поблага и мала е шансата детето да добие сериозна клиничка слика, но сега е воочено овој пораст кај децата од нула до четири години, тоа е таа категорија која не е можно поинаку да се заштити“, вели педијатарот Георгис Константинидис.
