Многу родители мака мачат со спиењето на бебето, па бараат различни опции кои ќе му помогнат на нивното дете, едно од прашањата кое често се поставува е: Дали е безбедно за бебето да спие во лулашка?
Лулашките се одлична можност за уживање и опуштање на бебето, во разни видови на лулање, вибрации и слично. Тие можат лесно да се преместуваат, за бебето да ви биде во близина.
Дали бебето треба да спие во лулашка?
Амерканската академија за педијатрија е против таа одлука. Бебето треба да спие на грб, на рамна површина. Спиењето на ваква површина може да го зголеми ризикот од синдром на изненадна смрт кај дете, истакнуваат од Академијата.
Д-р Џејмс Хан, педијатар објаснува дека бебето, особено новороденчето нема доволно силни мускули на рацете и вратот за да се подигне. “Може случајно да се префрли во седечка положба, што може да доведе до гушење“, истакнува тој и вели дека лулашките се одлични кога на родителите им се потребни неколку минути за завршат нешто, но секогаш треба да бидат внимателни, оти постои и опасност од паѓање на бебето од лулашката кога ќе заспие.
Што ако бебето заспие во лулашка?
Докторот предлага тогаш полека да го преместите детето на место каде вообичаено спие.
“Лулашката не треба да биде замена за креветче“, вели д-р Хан.
Педијатрите исто така не препорачуваат спиење ниту во седиште за автомобил или транспортер, туку исклучиво во креветче. Тие напоменуваат дека иако не е добра одлука бебето да спие во неа, лулашката е одличен избор за смирување на бебето и нема причина да се избегнува нејзина употреба.
