Холандската фотографка Мари Фермонт, има уникатен пристап кон документирање на породувањата. Покрај тоа што прави традиционални слики на родителите кои ги држат своите новороденчиња за прв пат, таа сака да фотографира и бебиња кои позираат исто како што биле позиционирани во матката.
„Го гледате бебето како излегува, но штом е надвор, тешко е да се замисли дека некогаш било внатре во вас“
„Кога го фотографирав првото раѓање, бабицата им покажа на родителите како бебето било позиционирано во матката“, изјави Фермонт за „Хафингтон пост“, додавајќи дека и таа и родителите ја обожаваат оваа перспектива. „Го гледате бебето како излегува, но штом е надвор, тешко е да се замисли дека некогаш било внатре во вас“.
Фотографката била присутна на над 100 раѓања и вели дека честопати бара од бабицата да го стави новороденчето во поза како што било во стомакот. Понекогаш и таткото го држи бебето на тој начин. Кога Фремонт го родила своето прво дете, таа побарала од нејзиниот фотограф на раѓање да ја фати истата поза на фотографијата.
„Сега, кога и самата сум мајка, уште повеќе сфатив колку се важни фотографиите“, вели таа. „Не само за да се сеќавате на еден од најпосебните моменти во вашиот живот, туку и да го „процесирате“ раѓањето и сè што се случило“.
Фремонт се надева дека луѓето што ги гледаат нејзините фотографии на бебиња сликани исто како што биле во матката, уште повеќе ќе ја ценат бременоста и раѓањето. „Се надевам дека ќе видат какво чудо е бебето“, вели таа. „Како може да се развие нов човечки живот внатре во женското тело. Тоа е префектна креација“.
