Седум од 10 лица хоспитализирани поради Ковид-19 не оздравеле целосно пет месеци по отпуштањето од болница, открива нова студија.
Меѓу најчестите симптоми биле болка во мускулите, замор, физичко забавување, нарушен квалитет на спиењето, болка во зглобовите или оток, слабост на екстремитетите, задишаност, болка, краткотрајно губење на меморијата и забавено размислување, според студијата
Пациентите продолжиле да се соочуваат со проблеми со нивното ментално и физичко здравје, со тоа што 1 од 5 лица развивале нова попреченост, а сличен број или не работеле или требало да ја сменат работата заради нивното здравје, според наодите на британските истражувачи.
Луѓето кои имаат најголема веројатност за перзистентни симптоми се жени на средна возраст, кои развиле тежок Ковид-19 и кои имале најмалку две состојби што ги изложиле на поголем ризик од тешка болест, како што се дијабетес, астма или срцеви заболувања.
„Нашите резултати покажуваат голем број на симптоми, ментални и физички здравствени проблеми и докази за оштетување на органите пет месеци по отпуштањето од болница поради Ковид-19“, рече Рахаел Еванс, вонреден професор на Универзитетот во Лестер и респираторен консултант во болниците на Лестер, во изјава.
„Исто така е јасно дека на оние на кои им била потребна механичка вентилација и биле примени на интензивна нега, им треба подолго време да се опорават. Меѓутоа, многу од широкиот спектар на перзистентни проблеми не беа објаснети со сериозноста на акутната болест, што укажува на други, можеби посистемски, основни механизми“, рече таа.
Луѓе кои имаат најголема веројатност за перзистентни симптоми се жени на средна возраст, кои развиле тежок Ковид-19 и кои имале најмалку две состојби што ги изложиле на поголем ризик од тешка болест, како што се дијабетес, астма или срцеви заболувања
Студијата ширум Велика Британија анализирала 1.077 луѓе кои биле отпуштени од болница помеѓу март и ноември 2020 годинa. Пет месеци потоа, само 29% од луѓето рекле дека се чувствуваат целосно оздравено, додека повеќе од 90% од луѓето имале барем еден постојан симптом, а повеќето искусиле во просек девет симптоми.
Десетте најчести симптоми биле болка во мускулите, замор, физичко забавување, нарушен квалитет на спиењето, болка во зглобовите или оток, слабост на екстремитетите, задишаност, болка, краткотрајно губење на меморијата и забавено размислување, според студијата.
Менталното здравје исто така било засегнато, со повеќе од 25% од луѓето кои имале клинички симптоми на анксиозност или депресија и 12% со симптоми на посттрауматско стресно нарушување (ПТСН). (Си-Ен-Ен)
