Со оглед на тоа дека децата секојдневно се изложени на голем број вируси и бактерии, родителите често се интересираат како да го зајакнат нивниот имунитет. Иако нивната отпорност зависи од многу фактори, педијатрите нагласуваат дека постојат неколку начини на кои родителите можат да го зајакнат имунитетот на своите малечки, наведува „Харвард Хелт“.
Покрај исхраната, подеднакво важен е и квалитетниот сон. Како што објаснуваат педијатрите, адекватната количина сон помага во одржување на здравјето и одбрана од потенцијални инфекции. Истражувањата покажале дека недоволното спиење кај децата може да ја намали отпорноста на нивниот организам и да го зголеми ризикот од инфекции
Според нивно мислење, прва работа на која треба да внимава секој родител е правилната и разновидна исхрана. Тие советуваат децата да јадат што е можно повеќе храна која ги содржи потребните хранливи материи за зачувување на имунитетот, пред се, свежо овошје и зеленчук, немасно месо и интегрални житарки.
Покрај исхраната, подеднакво важен е и квалитетниот сон. Како што објаснуваат педијатрите, адекватната количина сон помага во одржување на здравјето и одбрана од потенцијални инфекции. Истражувањата покажале дека недоволното спиење кај децата може да ја намали отпорноста на нивниот организам и да го зголеми ризикот од инфекции.
Други начини кои ќе го зајакнат имунитетот на детето вклучуваат избегнување стресни ситуации, поминување доволно време на отворено и земање суплементи доколку на децата им недостасуваат некои витамини или минерали. Сепак, педијатрите нагласуваат дека пред да земете какви било суплементи потребно е да се консултирате со лекар.
