Не залудно една кинеска поговорка вели дека патот до пеколот е поплочен со добри намери. Тоа особено важи во случај кога членови на семејството или пријатели со совети сакаат да ви помогнат во одгледувањето на вашите деца, а притоа тоа не сте го ни барале од нив.
Еве некои позитивни фрази како пристојно да им заблагодарите на советите и да ја одбиете нивната “помош“.
1.“Ценам колку се грижиш за напите деца, но ние сме задоволни со начинот на кој се грижиме за нив“.
Со овој одговор ќе им дадете до знаење дека ја цените нивната намера, но дека совети и помош не ви се потребни.
2.“Многу сме размислувале и читале за родителството и навистина сме задоволни со она што од тоа сме го научиле“.
Со овој одговор ќе им дадете до знаење дека сте направиле промислен избор, благо истакнувајќи дека сте читале, истражувале и размислувале за своите родителски одлуки.
3.“Пробавме различни методи и одлучивме дека ова е она што најдобро ни одговара“.
Дајте им до знаење дека не сакате совети, оти се пробале различни стилови на воспитување и овој најмногу ви се допаѓа.
4.“Секое семејство е различно, а ова е она што е најдобро за нас“.
Изборот на поинаков пат во родителството не ве прави вас лош родител. Разликите во одгледувањето често може да доведат до тоа да пријателите ве осудуваат и мислат дека правите нешто погрешно. Важно е да им дадедете до знаење дека не се сите еднакви и дека сте задоволни со патот што сте го одбрале.
5.“Благодарам на советот, ќе размислам“.
Со тоа им давате до знаење дека сте го слушнале советот и дека за него ќе размислите. Не сте го отфрлиле, а сепак со оваа реченица ќе завршите со било каква понатамошна расправа.
