За правилно да го воспитате детето, обидете на дело да ги спроведете советите на американскиот психолог д-р Кевин Леман, кој тврди дека златната формула се крие во десет реченици.
∗ Бидете секогаш доследни во своето однесување, за детето да знае дека сте сериозни во она што го правите и го зборувате.
∗ Секогаш исполнете го она што сте кажале дека ќе го направите и никогаш не отстапувајте од тоа.
∗ Наместо да се расфрлате со зборови, затворете ја устата, размислете и одговорете на ситуацијата, наместо избрзано да реагирате.
∗ Секогаш бројте до дест кога ќе наидете на проблем и запрашајте се: Што би требало да променам?
∗ Никогаш не им се заканувајте на децата, бидејќи заканите ретко ги спроведуваме, па децата многу и не им веруваат.
∗ Никогаш не се лутете пред нив, па и ако ги изгубите нервите, извинете му се на детето за евентуално кажаните навреди.
∗ Никогаш не предупредувајте, бидејќи тоа е како да сте му порачале на детето дека е глупаво и дека се треба да му се нацрта.
∗ Не ги превземајте нивните проблеми, постојат работи кои мораат сами да ги направат.
∗ Немојте да мислите дека лошото однесување ќе исчезне, заборавете на тоа очекување.
∗ Задржете ведар израз на лицето дури и кога сакате да се намуртите.
