Д-р Рахул Џандијал, неврохирург, татко и автор, објаснува на што треба да се фокусираат родителите кога станува збор за здравјето на мозокот на нивните деца. Осврнувајќи се на две децении родителство и истовремено на напредокот во знаењето за човечкиот мозок, д-р Џандијал го споделува својот пристап во воспитувањето на неговите тројца синови. Иако некои рани грижи, како опасноста од задушување или давење, поминале, тој како и секој родител и понатаму се грижи за безбедноста на своите деца, а како неврохирург, посебно внимание посветува на заштитата на нивниот мозок.
Каква им е исхраната?
Исхраната влијае на мозокот, но не на начинот на кој тоа го прикажуваат приказните за „суперхрана“. Д-р Џандијал се фокусира на основите: секојдневно е потребно да се изеде нешто од растително потекло, како овошје, и секоја недела риба (на пример, лосос двапати неделно). Тој смета дека, дури и ако остатокот од исхраната не е идеален, антиоксидантите од овошјето и омега-3 масните киселини од масната риба се клучни состојки за здравјето на мозокот.
Дали ги оставаат телефоните?
Наместо строго да го ограничува времето поминато пред екраните (бидејќи децата ги користат и за училишни обврски и учење), д-р Џандијал ја нагласува важноста на периодите на целосен одмор од екраните. Тој инсистира неговите синови да не користат телефони еден или два часа пред спиење. Ова му овозможува на умот слободно да „лута“, активирајќи ги патиштата во мозокот кои инаку би останале неискористени. Таквото размислување е корисно по активниот ден и помага при спиењето.
Тинејџерските мозоци се како бура од нови мозочни врски кои не се целосно усогласени со емоциите. Д-р Џандијал е загрижен дали неговите деца развиваат ефикасни стратегии за соочување со стресот, прекините на врските и влијанието на социјалните мрежи. Иако за вакво нешто е тешко да се понуди конкретна стратегија, тој истакнува дека е најважно да се биде присутен и да им се пружи поддршка на децата
Дали се забавуваат секојдневно?
Џандијал ја истакнува важноста на рамнотежата. „Не сакам роботи кои имаат премногу цели, но исто така не сакам ни луѓе кои само се забавуваат, а ништо не работат“, вели тој. Смета дека и работата и забавата се неопходни за личен и психолошки раст и дека клучот е во пронаоѓањето склад меѓу обврските и задоволството.
Дали секојдневно учат нешто ново?
Во неговото семејство постои мал ритуал: некој споделува линк, видео или статија што е добра тема за почеток на разговор. Тоа, според неговото мислење, ја одржува семејната поврзаност и му нуди на мозокот нови содржини за интелектуален и креативен раст. Како пример го наведува неодамнешниот разговор за статија во која пишувало дека кучињата можат да надушат некои видови рак кај луѓето, што ги изненадило неговите деца.
Какво е нивното ментално здравје?
Тинејџерските мозоци се, како што вели тој, „бура од нови мозочни врски кои не се целосно усогласени со емоциите“. Тој е загрижен дали неговите деца развиваат ефикасни стратегии за соочување со стресот, прекините на врските и влијанието на социјалните мрежи. Иако за вакво нешто е тешко да се понуди конкретна стратегија, тој истакнува дека е најважно да се биде присутен и да им се пружи поддршка на децата, пишува Парентс.
