Повеќето родители знаат колку е важно децата ја јадат разновидна и здрава храна. Но, дали сте знаеле дека исхраната е еден од пресудните фактори кој влијае на имунитетот на детето?
Освен што е важно да детето низ исхраната ги внесува сите хранливи материи, важно е тоа да има редовни оброци. Најдобро е храната што детето ја јаде биде респоредна во пет оброци, три главни оброци и две ужини, и оброците да ги консумира секој ден во приближно исто време. Иако е важно детето да јаде овошје и зеленчук, некои од нив може да влијаат на имунитетот, оти содржат фитонутриенти, како што се каротеноиди и флавоноиди. Тие влијаат на производството на бели крвни зрнца кои се борат против инфекции и антитела. Тоа се: портокал, домат, морков, грашок, боровница, јагоди.
Според досегашните студии, недостатокот на сон може негативно да влијае на имуниот систем. Децата кои не спијат доволно број часови и кои немаат квалитетен сон имаат многу поголеми шанси да се разболат кога ќе бидат изложени на вообичаен вирус, како што е настинка. Недостатокот на сон влијае и на брзината на опоравување кога детето ќе се разболи. На децата им е потребно од 10 до 14 часа, во зависност од нивната возраст.
Многу родители, плашејќи се болеста да не се искомплицира, што се разболи детето бараат рецепт за антибиотик од педијатарот.
Но,европско истражување за потрошувачката на антибиотици покажало дека 80% од сите антибиотици се даваат за лекување на инфекции на горниот респираторен систем, иако е познато дека дури 85% од таквите инфекции се предизвикани од вируси, а не од бактерии. Вирусните, за разлика од бактериските инфекции не се лекуваат со антибиотици. Примената на антибиотици за лекување на вирусни инфекции е еден од најчестите видови на неправилна употреба на антибиотици. Тоа е воедно и главната причина за порастот на отпорноста (резистенција) на бактериите на антибиотици. Неправилната употреба на антибиотици влијае и на слабеење на имунолошката способност на детето да се бори со инфекциите.
Растејќи, децата стекнуваат имунитет. Потребно е време за имуниот систем да се развие и изгради. Со почитување на календарот за имунизација, односно редовното вакцинирање помага детето да развие имунитет и да биде здраво.
Престојот на свеж воздух овозможува децата, барем на кратко го напуштат просторот кој е полн со микроби и бактерии. Децата кои одат во градинка, училиште… особено се изложени на нив. На свеж воздух немаат корист само здравите, туку и болните деца. Важно само детето да се облече во склад со временските услови и да избегнувате поголема физичка активност, ако е болно. Редовниот престој постепено го изградува имуниот систем на детето, но и отпорноста на алергии.
