Кога имате поголемо дете кое може да комуницира, полесно е да разберете што го мачи или боли, меѓутоа, кај малите бебиња плачот е единствениот начин на комуникација за сите, и кога се гладни или им се спие, кога нешто ги боли… затоа на родителите понекогаш им е тешко веднаш да ги забележат првите симптоми на болест кај децата.
Сезоната на вируси е во полн ек, кашлица, течење на носот и болки во грлото се најчестите симптоми кај децата и бебињата. Иако лесно можете да ги забележите првите два симптоми, болно и црвено грло е многу тешко да се забележи кај малите бебиња. За да избегнете посериозно воспаление и влошување на состојбата, обрнете внимание на овие сигурни знаци дека вашето малечко страда од болки во грлото:
Симптоми на стрептококно грло кај малите деца се црвени и бели дамки во грлото и зголемени крајници. Ова доведува до потешкотии при голтањето. Може да има покачена температура, осетливи или отечени лимфни јазли, главоболка и стомачна болка
- Неможност за хранење: кај бебињата болката во грлото предизвикува воспаление на слузокожата, а голтањето храна, па дури и плунка предизвикува иритација. Бебето може да плаче и да одбива да се храни дури и кога е гладно, поради болка.
- Црвенило на грлото: слузницата на грлото може да биде воспалена. Ова е тешко да се забележи кај бебињата. Малку постарите деца можете да ги однесете на светло место и да побарате од нив да ја отворат устата за да ја видите состојбата на грлото и да утврдите дали има други симптоми како што се рани, жолти наслаги на јазикот и отечени крајници, а сето тоа може да укажува одредени вирусни и бактериски инфекции придружени со болка во грлото.
- Отечени лимфни жлезди: инфективно воспаление на грлото може да се појави со отечени лимфни жлезди, што е знак дека телото се бори против инфекција.
- Раздразливо и немирно дете: Инфекцијата и неможноста за хранење го прават бебето раздразливо и немирно. Раздразливоста и вознемиреноста често се влошуваат со недостатокот на сон и глад поради силна болка.
- Треска: Во зависност од инфекцијата која предизвикува болки во грлото, може да биде присутна температура, која е ваш главен показател дали детето треба веднаш да се однесе на лекар.
- Лош здив: Бебето кое не може да се храни поради болка ќе има сува уста, а со самото тоа и лош здив. Ова е позабележително во случаи на воспаление на непцата, орален дрозд или болест на рацете, стапалата и устата.
Симптоми на стрептококно грло кај малите деца се црвени и бели дамки во грлото и зголемени крајници. Ова доведува до потешкотии при голтањето. Може да има покачена температура, осетливи или отечени лимфни јазли, главоболка и стомачна болка.
Вирусните инфекции на грлото поминуваат сами од себе за 7 до 10 дена, а доколку температурата наеднаш се искачи на 39 и тешко се симнува, ова е веќе јасен сигнал дека треба да одите на педијатар. Избегнувајте да им давате на малите деца јаки спрејови за грло или да им давате пастили за ублажување на болката, бидејќи тие се премногу силни и можат да бидат опасни по нивното здравје. За силна болка можете да дадете доза парацетамол или бруфен за полесно да голта, а за се друго педијатарот ќе му препише соодветна терапија на вашето дете.
