Закажете преглед кај вашиот гинеколог. Ако имате здравствени проблеми како дијабетес, висок крвен притисок, астма, депресија, најпрво мора да ги доведете во контрола овие заболувања, а потоа да останете бремена.
ПРЕГЛЕД
Прво нешто пред да се одлучите да забремените е да направите комплетен преглед. Само здравите родители на свет може да донесат здраво бебе. Доколку мајката има зголемена телесна тежина, тоа е ризик фактор дека за време на бременоста може да развие гестациски дијабетес, зголемен крвен притисок или прееклампсија. Прекумерната тежина може да предизвика и други здравствени проблеми. Лекарите препорачуваат дека доколку планирате бременост морате да се откажете од пушењето цигари, пиењето алкохол и брзата исхрана.
ТЕСТОВИ
Бидете сигурни дека сте вакцинирани и превенирани од заразните заболувања. Ако не сте сигурни дека сте примиле некоја од задолжителните вакцини, вашиот матичен доктор може да направи испитување преку крвта.
ВОЗРАСТ
Вашите шанси за забременување опаѓаат со годините. Експертите сугерираат да се обидете да основате поколение пред да наполните 35, доколку сте во можност. Како што годините поминуваат, така се зголемуваат и ризиците да добиете бебе со некакво нарушување.
