Мачнината и изостанокот на менструалниот циклус се најпознати симптоми на бременоста, но не се единствени. Повеќето идни мајки за време на бременоста ќе искусат и отечени зглобови, болки во грбот или пак постојано чувство на замор. Но, ново истражување кое го спровела American Optometric Association открило дка една од шест идни мајки ќе доживее и промена на видот за време на бременоста, а дури две од пет мајки не биле ниту свесни дека промените на видот во бременоста се можни.
Според претседателот на асоцијацијата, д-р Самуел Пирс, промените на видот предизвикани се од хормоналната нерамнотежа, а симптомите може да вклучуваат суви очи, мигрена, заматен вид и чувствителност на светлина.
“Ако пациентката на пример задржува вода, течноста може да се насобере зад окото или во самото очно јаболко, поттикнувајќи промена во обликот на рожницата. Тоа го менува начинот на кој светлото минува низ окото, што може да ја наруши или деформира оштрината на видот“, објаснува д-р Пирс и додава дека тоа сепак се најчести времени пореметувања кои минуваат по породувањето.
Промените на видот, потенцира тој, може да бидат и симптом на тешка состојба во бременоста – прееклампсија, која ако не се третира соодветно може да предизвика тешки последици, а во некои случаи и смрт на плодот. Се јавува кај 3 до 8% од бремените жение и тоа најчесто по 20. Недела од бременоста, а може да се манифестира и со висок крвен притисок, и високо ниво на протеини во урината.
