Биотехнолошката компанија „Модерна“ започна со тестирање на вакцината против коронавирус за деца на возраст над 12 години, пишува „Independent“.
„Фајзер“, првата компанија што произведе одржлива вакцина против коронавирус, веќе започна со тестирање за да ги види нејзините ефекти кај тинејџери и деца.
На клиничките испитувања ќе бидат вклучени 3.000 волонтери на возраст помеѓу 12 до 18 години.
Испитувањата ќе се одржат во шест држави, според објавата на clintrials.gov. Меѓу државите се Ајдахо, Минесота, Њујорк, Оклахома, Тексас и Јута.
Федералните власти истакнаа дека е важно вакцината да се тестира на деца и тинејџери пред нејзината широко распространетата дистрибуција во 2021 година.
Обете вакцини, и на „Фајзер“ и на „Модерна“ чекаат одобрување од Американската администрација за храна и лекови. Се очекува ФДА да се состане на 10 декември за да разговара за вакцините.
Доколку вакцините добијат итно одобрение, првите дози може да бидат дадени веќе на 21 декември.
Федералните власти истакнаа дека е важно вакцината да се тестира на деца и тинејџери пред нејзината широко распространетата дистрибуција во 2021 година
Официјални лица од Американскиот центар за контрола и превенција на болести препорачаа здравствените работници и постарите лица кои живеат во домови за стари лица да бидат првите групи што ќе ја примат вакцината.
Здравствените власти во Велика Британија веќе ја одобрија вакцината за употреба.
Се верува дека вакцината на „Фајзер“ е ефикасна 95 проценти, додека „Модерна“ објави дека нејзината има ефикасност од 94 проценти.
И обете вакцини бараат втора доза. За оние кои ќе ја примат вакцината на „Фајзер“, втората доза ќе се даде три недели подоцна. За оние кои ќе ја примат вакцината на „Модерна“, втората доза ќе дојде четири недели подоцна.
Пошироката јавност се очекува да има пристап до вакцината до мај или јуни 2021 година. (Independent)
