Според податоците, само во САД се заразени повеќе од милион деца со коронавирус
Американската академија за педијатрија предупредува дека официјалниот број на случаи на COVID-19 кај децата е потценет бидејќи некои деца не се тестираат.
Според податоците, само во САД се заразени повеќе од милион деца, а вестите од Јута сугерираат дека педијатрите можеби со право се загрижени. Имено, извештаите за разговорите на родителите на социјалните мрежи откриваат дека некои родители ги охрабруваат другите да го избегнуваат тестирањето на своите деца за коронавирус.
KUTV од Солт Лејк Сити објави неколку фотографии од родителските групи на Фејсбук.
Ако вашето дете покажува какви било симптоми на болеста, важно е да остане дома, советува Американскиот центар за превенција и контрола на болести. Ако нема симптоми, а било во контакт со позитивна личност, исто така, треба да се изолира
„Ве молиме, престанете со тестирање. Тоа е 100 % непотребно. Така им даваме на властите можност да нè контролираат“, се вели во еден пост. „Лично, сметам дека тестирањето е себично. После позитивен резултат, тие ги контактираат сите контакти, што значи дека една личност може да доведе до самоизолација на уште 30 други, па така се „гаснат“ спортски активности. Тоа е масовна хистерија предизвикана од еден позитивен случај. Престанете со тестирање, престанете да ги барате контактите“, додава друго лице во коментарите.
Семејствата ширум светот се загрижени. Некои се плашат од стигмата што ја носат заразените, други не знаат каде да одат со децата ако завршат во самоизолација затоа што мораат да работат.
Што да направите?
Прво, најважно е да носите маска, да се дистанцирате и да ги миете рацете, советуваат лекарите.
Ако вашето дете покажува какви било симптоми на болеста, важно е да остане дома, советува Американскиот центар за превенција и контрола на болести. Ако нема симптоми, а било во контакт со позитивна личност, исто така, треба да се изолира.
Ако и кога лекарот ќе го упати детето на тестирање, важно е да се направи тој тест.
