Првите денови од животот на вашето бебе наликуваат на нагло и непријатно будење, бидејќи животот надвор се разликува од удобната, водена околина на вапата матка. На бебето му е потребно прилагодување на надворешниот свет, а многу мирното опкружување му е еднакво необично, како и интензивните надразби.
Педијатарот Харви Карп ги поттикнува мајките во првиот месец да се обидат на новороденчето да му ја реплицираат околината на матката за тоа што помалку стресно се прилагоди на новите животни услови. За таа цел, тој предлага пет техники кои се лесни за примена, а се најефикасни доколку ги практикувате истовремено.
- ПОВИВАЊЕ
Повивањето на бебето му ја задоволува потребата за чувството на сигурност што му ја нудело опкружувањето во матката. Со повивањето се контролираат и рефлексните движења кои можат да предизвикаат будење и плачење. Повивањето на бебето навечер помага да спие подобро, но само погрижете се да не му е премногу жешко.
- СТРАНИЧНА ИЛИ СТОМАЧНА ПОЛОЖБА
Ако детето е нервозно, а вие се обидувате да го ставите на грб, тоа ќе доживее како да паѓа, што би можело да го засили плачот. Бебето го смирува ако го ставите во странична положба или на стомак, но притоа никогаш не го оставајте без надзор, ниту пак во таа положба не го оставате да спие. Страничната или стомачната положба служи само за смирување на бебето, а идеално е да го поставите на вас (додека сте во лежечка положба).
- ГЛАСОТ “ШШШ…“ СМИРУВА
Гласно, остро „шшш…“ е музика за ушите на бебето. Овој звук го имитира шушкањето на вашиот крвоток што вашето бебе го слушало во утробата. Исто така, ова е причината зошто т.н белиот шум го смирува новороденчето.
ЛУЛАЊЕ
Новородените бебиња се како морнар кој пристигнал на копно по 9 месеци пловење. Лежењето во неподвижно креветче може да ги налути и избезуми. Ритмичното движење на нив има речиси хипнотички ефект. Лулашките, возењето со автомобил, нишањето на бебето или одењето со него во раце исто така делуваат смирувачки. Носењето во специјална т.н. слин марама, додека ги извршувате секојдневните задачи, не е лош начин на смирување.
- ЦИЦАЊЕ
Понудете му на вашето бебе дојка, шише или цуцла. Цицањето ослободува “смирувачки“ хормони во мозокот на бебето.
