Прим. д-р Љиљана Којиќ: ПРЕМАЛО Е И НЕМОЌНО – Ако бебето упорно плаче не се обидувајте да го дисциплинирате, туку понудете му утеха

Бебињата имаат свои причини, а понекогаш и најпосветените и најпроникливи родители не можат да ја откријат причината за неговото неутешно плачење. Она што е битно е да не манифестирате паника. Не трчајте во паника кон него. Бебето ја чувствува вашата паника и додатно се вознемирува. Пријдете му смирено, обидете се да сфатите што сака да ви сигнализира, и ако не можете да одгатнете земете го во прегратка. Понудете му утеха и обидете се да го смирите

На бебето треба да му се понуди утеха. Обидете се да го смирите и утешите: Прим. д-р Љиљана Којиќ, педијатар

ПИШУВА:
Прим. д-р Љиљана Којиќ
педијатар

♦♦♦♦♦♦♦

УПОРЕН ПЛАЧ НА БЕБЕТО: ПОНУДЕТЕ МУ УТЕХА НА ВАШЕТО МАЛЕЧКО
Бебињата се преслатки, но имаат една „незгодна“ навика: ПЛАЧАТ!

Зошто? Одговорот е сложен. Има објективни причини (глад, грчеви, мокра пелена, студ, претопленост, воздух во желудникот, замор, пренадразнетост, скокови во раст, запчиња, желба за дружење и галење). Сте го провериле сето ова, се е во ред и се уште плаче?

Бебињата имаат свои причини, а понекогаш и најпосветените и најпроникливи родители не можат да ја откријат причината за неутешното плачење на „малата мекана топка“.

Добра вест е за сите, и за бебето и за родителите, што ако не ја најдете причината секогаш можете да понудите утеха.

Мој личен став е дека на бебето треба да му се понуди утеха. Обидете се да го смирите и утешите бебето. Не се обидувајте да го дисциплинирате – премало е и пренемоќно. Ќе дојде време и за тоа, кога ќе биде малку поголемо и кога ќе биде во состојба да разбере повеќе.

Значи сте провериле се (нахрането, сува пелена, нема грчеви и се уште плаче) – не мора да ја знаете причината: обидете се да го смирите и утешите.

Понекогаш и најпосветените и најпроникливи родители не можат да ја откријат причината за неутешното плачење на бебето
Како да го смирите и утешите:
  1. ЦИЦАЊЕ

Понудете му нешто да цица: цуцла-лажливка е добар избор. И неговото прстенце може да послужи. Тоа ќе му ја намали фреквенцијата на срцевата работа и ќе му ги опушти ноџињата и рачињата.

  1. ПОВИВАЊЕ И „УШУШКУВАЊЕ“

Бебињата, особено оние помалите, под 3 месеци, сакаат да се чувствуваат сигурно. На поголемиот дел ќе им годи завиткување во меко ќебе, каде што ќе им ги опфатите рачињата (за да не им се активира тоничкиот рефлекс), а потоа ќе ги земете во прегратка, да се почувствуваат сигурно. Психолозите велат дека оваа положба ја симулира нивната положба во матката и им делува како сигурно катче. Гушнете го нежно така завиткано и нишкајте го.

  1. МУЗИКА И РИТАМ

Бебињата сакаат музика. Експериментирајте со музика, се додека не ја откриете онаа која му се допаѓа. Потпевнување на таа музика или нежно движење, кое симулира играње со бебето во раце, во ритам на музиката ќе им годи на некои бебенца: телцето ќе се опушти.

Некои бебиња сакаат да се движат: Ставете го во транспортерот и нишкајте го, или во количка и возете го. Во екстремен случај – возење во кола е скоро сигурен рецепт за смирување. Брмчењето на моторот, вибрациите од движењето на возилото ќе го смират, ако не и заспијат бебето
  1. СВЕЖ ВОЗДУХ

Ако сте во можност, и ако временските прилики го дозволуваат тоа, излезете на балкон, пред куќа или отворете го прозорецот.

  1. БАЊАЊЕ

Направете му релаксирачка топла купка на бебето. Може да му помогне да се опушти. Или – влезете со бебето под топол туш, гушнете го и истуширајте се со него во прегратка под млаз топла вода кој не е прејак. Внимавајте да не се лизнете.

Ќе ве зачуди колку бебињата имаат чуден вкус за звуци: иако некои се плашат, некои бебиња сакаат звук од фен за коса, правосмукалка или вода од славина и туш. Снимен звук на река која тече, фонтана или морски бранови може да „упали“

  1. МАСАЖА

Ставете мало количество бебе-лосион и измасирајте го. Може да помогне.

  1. ДВИЖЕЊЕ

Некои бебиња сакаат да се движат: Ставете го во транспортерот и нишкајте го, или во количка и возете го. Во екстремен случај – возење во автомобил е скоро сигурен рецепт за смирување. Брмчењето на моторот, вибрациите од движењето на возилото ќе го смират, ако не и заспијат бебето.

  1. „БЕЛА БУЧАВА“

Ќе ве зачуди колку бебињата имаат чуден вкус за звуци: иако некои се плашат, некои бебиња сакаат звук од фен за коса, правосмукалка или вода од славина и туш. Снимен звук на река која тече, фонтана или морски бранови може да „упали“.

Бебињата сакаат музика. Експериментирајте со музика, се додека не ја откриете онаа која му се допаѓа

Она што е битно е да не манифестирате паника. Не трчајте во паника кон него. Бебето ја чувствува вашата паника и додатно се вознемирува. Пријдете му смирено, обидете се да сфатите што сака да ви сигнализира, и ако не можете да одгатнете земете го во прегратка.

Нешто од ова погоре наведено може да помогне, но истражувајте и свои начини.

Во секој случај, понудете му утеха и обидете се да го смирите.

Единствени отстапки од ова правило за тешење при плачење се кога спроведуваме нешто што е од негова полза: давање терапија (сируп, инхалации, кога мора да прими инфузија или инјекција) или спроведување на вежби (вртење на меше, пропишани вежби од ортопед). Тогаш, или ќе се обидеме малку подоцна да ја повториме процедурата, или да истолерираме и да заплаче малку, кога знаеме дека е за негово добро.

 

 

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ