Децата имаат само една обврска во животот, а тоа е да си играат. Тие треба постојано да скокаат, да играат и да трчаат. Не е важно што понекогаш и ќе се повредат. Мозокот се развива со стимулација, а најголемата стимулација е играта, вели проф. д-р Бранимир Несторовиќ, познат српски педијатар пулмолог-алерголог.
Она што сите родители треба да го знаат е дека детето станува социјално суштество некаде на возраст од пет до шест години. Тоа е важно затоа што родителите често избираат погрешни спортови за своите деца, па децата на три или четиригодишна возраст ги запишуваат на фудбал. Тоа е бесмислено. Детето до 5 години е себично, живее во свој свет. Ниту нивните другари го немаат истото чувство на пријателство кое ќе го имаат подоцна, па затоа екипните спортови не се за мали деца, помлади од шест години.
Колку повеќе моторни и физички активности, толку повеќе ќе се развива интелектот. Mозокот на детето од предучилишна возраст првенствено се развива преку вистинска игра
Ако дури и ги запишете на тимски спорт, можете да очекувате дека ќе ја земат топката и ќе одат од гол на гол бидејќи не можат да играат тимски на таа возраст. Дури на шест години треба да бидат вклучени во тимски спортови и ќе развијат интеракција. И секако дека таа интеракција ќе биде многу подобра доколку детето поминува време со други деца. Друштво на децата се други деца, а не баби и дедовци. Тоа не е нивната природна средина.
Се случува мајка да ми го донесе детето на преглед и да дојде заедно со нејзината мајка, бабата на детето, а потоа таа баба го има главниот збор. Јас тогаш и велам: Вие можете да и реферирате на вашата ќерка затоа што вие сте ја родиле и знаете се за неа, а ова дете го родила друга жена и таа е онаа што треба да зборува за детето, а не бабата.
Сега ќе се вратам на познатата теорија за развој на Пијаже која вели дека детето треба да учи преку игра. Ние сега научивме дека тоа е единственото вистинско учење, преку моторна активност. Колку повеќе моторни и физички активности, толку повеќе ќе се развива интелектот. Значи, не она седење дома и читање книги по цел ден. Се разбира дека треба и тоа да се прави и дека е многу корисно, но мозокот на детето од предучилишна возраст првенствено се развива преку вистинска игра. Се разбира, тука не мислам на видеоигрите. Проучувано е како се развива и како изгледа мозокот на дете кое поминува многу време играјќи видеоигри. Тоа е намалена активност на мозокот, се развива само визуелниот кортекс каде што доаѓаат визуелните дразби и моторниот кортекс. Ништо друго не се развива.
Детето од предучилишна возраст е индивидуа за себе и идеално е да трча и да вози велосипед. И пливање. Пливањето е еден од најкорисните спортови бидејќи рамномерно ги оптоварува сите мускулни групи, а во исто време се учи и дишење
Детето кое си игра со пријателите измислувајќи разни игри и приказни ангажира различни делови од мозокот и тоа е она што всушност им е потребно на децата. Значи, децата треба да се носат во градинки, игротеки, може да играат понекоја игра, но не треба никако да се претерува.
Со каков спорт треба да се занимава дете од предучилишна возраст?
Детето од предучилишна возраст е индивидуа за себе и идеално е да трча и да вози велосипед. И пливање. Пливањето е еден од најкорисните спортови бидејќи рамномерно ги оптоварува сите мускулни групи, а во исто време се учи и дишење. Тоа е најдобриот аеробен напор.
Училишно дете веќе може да биде во некој колективен спорт. Дефинитивно не препорачувам теретани за деца поради неколку причини. Има доволно докази дека оние кои се впуштаат во екстремни напори имаат хипертрофија на срцевиот мускул. Кога ќе слушнете дека некој млад спортист, дури и дете, починал на теренот, тоа најчесто е последица на хипертрофија на срцевиот мускул.
Физичката активност е најдобрата превенција од секоја болест, тоа треба да го знаете. Пешачењето е корисно за сите видови болести.
Она што сите родители треба да го знаат е дека детето станува социјално суштество некаде на возраст од пет до шест години. Тоа е важно затоа што родителите често избираат погрешни спортови за своите деца, па децата на три или четиригодишна возраст ги запишуваат на фудбал. Тоа е бесмислено
А што се однесува до здраво детство, некој рецепт баш и не постои. Здраво детство е она кое во најголем дел е поминато во игра, интеракција со други деца и родители, а уште еден важен елемент е – квалитетната исхрана, објаснува проф. д-р Несторовиќ на тема здрав развој на детето. (Зелена учионица)
