Потребно е, особено кај адолесцентите, вирусот да се испрати од почеток до крај, вели д-р Татјана Радосављевиќ, специјалист пулмолог.
“Не е добро децата, КОВИД-19 да го прележат на нозе, без оглед на тоа што добро се чувствуваат и немаат симптоми. Тие често мислат дека можат да продолжат да живеат нормално, но мораат да знаат дека физичката активност и спорт во тој период можат да бидат исклучително опасни. Имав пациент, дете на 14 годишна возраст кое немаше никакви симптоми, но имаше промени на белите дробови“, вели д-р Радосављевиќ.
Таа потенцира дека дури постојат и промени кои не се видливи ниту на рентген, туку исклучиво на скенер. “Но, за децата на 13 или 14 години да не ги подложуваме на снимање со скенер, најдобро е превентивно да го одлежат коронавирусот и извезно време по заразата да се чуваат“, додава пулмологот.
ОПАСНО ЗА НЕЗРЕЛИТЕ БЕЛИ ДРОБОВИ
Ретко, речиси невозможно е коронавирусот да се задржи само во горните дишни патишта, а да не премине на белите дробови.
“ Кога белите дробови се се уште незрели и кога ќе дојде до воспаление, мора внимателно да се лекува. Само една ковид инфекција која не се третира може да го оштети развојот на белите дробови кај учениците на кои овој орган не им е во целост развиен“, објаснува д-р Радосављевиќ.
Во овој момент, најважно е кај училишните деца да се подигне свеста за тоа дека КОВИД-19 за нив не е незагрижувачка и без можни последици и дека треба да се тестираат доколку имаат било каков сомнеж дека се заразени.
“Тинејџерите се бунтовни, но не се неразумни. Се очекува од родителите, наставниците и здравствениот систем да им објаснат зошто е опасно да трчаат, да одат во училиште и да бидат активни додека се ковид позитивни, колку и добро да се чувствуваат“, потенцира пулмологот.
