Потребно:
- 1 кг брашно
- 600 мл млеко
- 300 мл зејтин
- 2 кесички сув квасец
- 2 лажици шеќер
- 2 лажички сол
- 1 јајце ( за премачкување)
Подготовка: Загрејте го млекото на средна температура, да не биде многу топло, но доволно да се растопи квасецот и шеќерот. Оставете 5-10 минути да се активира квасецот. Потоа надојдениот квасец истурете го во брашното кое претходно сте го ставиле во подлабок сад. Додадете сол,зејтин и со лажица измешајте ги состојките. Полека замесете ги состојките и ќе добиете мазно тесто кое треба да го оставите да се удвои. Надојденото тесто поделете го на четири топчиња и секое поделете го на уште толку топчиња со големина која сакате да ви бидат кифлите. Секое топче со сукало развлечете го по должина и формирајте кифла. Кифлите се редат во тавче обложено со хартија за печење. Додека рерната се загрева на 180 степени, кифлите потворно ќе најдојдат. Пред печење се премачкуваат со изматено јајце и по желба се наросуваат со сусам. Се печат додека не добијат златна боја, околу 25-30 минути. Добар апетит!
