РЕЦЕПТ НА ДЕНОТ: Највкусно, а набрзо гравче за Бадник

Сигурно знаете како се подготвува грав и можеби на момент ќе се зачудите што ви нудиме рецепт за него, но гравот подготвен на овој начин отстапува од традиционалното наше готвење, но е многу вкусен и лесен за подготовка. Во рецептот се користи грав од конзерва, но вие може да го сварите претходно на вообичаениот ваш начин, па да го искористите за овој рецепт.

Потребно:

  • 2 конзерви грав (или 600гр сварен грав)
  • 1 кромид
  • 2 чешниња лук
  • 2 лажици доматно пире
  • 1 конзерва пелати домати
  • 1 лажичка сенф
  • 2 лажици кафеав шеќер
  • 4 лажици мелена црвена пиперка

Подготовка: Во подлабоко тенџере пропржете го ситно исчеканиот кромид и лук, додека не добие златна боја. Потоа додадете го шеќерот и доматното пире, па измешајте додека не се запржи. Потоа во тенџерето додадете го исцедениот грав, зачините и иситнетите домати пелати. Оставете да проврие, веднаш намалете ја температурата и оставете да се крчка десетина минути. Префрлете во огноотпорен сад и запечете го јадењето во рерна на 200 степени, додека течноста не зоврие и не се фати коричка одозгора.

ПОВРЗАНИ НАПИСИПОВЕЌЕ ОД АВТОРОТ