Потребно:
- 450 гр мелено месо
- 1 главица кромид
- 250 гр кашкавал
- 3-4 големи компири
- 1 пиперка
- 1 лажица доматно пире
Подготовка: На тавчето од рерна ставете хартија за печење и посипете рендан кашкавал по целиот плех. Компирите кои сте ги исечкале на тенки кругови наредете ги врз кашкавалот, така што малку да се преклопат. Прелијте со маслиново масло и печете во загреана рерна на 200°C околу 20 минути. Пропржете го месото, зачинете по желба и додадете доматно пире и ситно сечкана пиперка. Промешајте и динствувајте додека сè да биде готово, уште околу 15 минути. Извадете ги компирите од рерна и повторно посипете ги со рендан кашкавал, а преку него премачкајте ја смесата од месото. Повторно ставете рендан кашкавал и свиткајте во ролна. Врз ролатот пак наросете кашкавал и вратете во рерна уште 10 минути. Добар апетит!
