Потребно:
- 300гр сварен ориз
- 3 компири, сварени, излупени
- 1 кромид
- 1 морков
- 3 лажици масло
- 2 чешниња лук
- Малку свеж магдонос
- 2 јајца
- 200мл јогурт
- 150гр брашно
- ½ лажичка сода бикарбона
- Сол
- Црн пипер
Подготовка: Исечканиот кромид и изренданиот морков динствувајте ги на масло околу 10 минути, па зеленчукот измешајте го со оризот и сварениот изгмечен компир. Додадете го лукчето и магдоносот. Се заедно убаво измешајте и од смесата формирајте плескавици. Изматете ги јајцата со јогуртот, солта, црниот пипер, брашното и сода бикарбоната. Секоја плескавица убаво потопете ја во ова тесто. Пржете ги на загреано масло на средна температура околу три минути од двете страни. Добар апетит!
