Потребно:
- 2 тиквици
- 200гр брашно
- 1 прашок за печиво
- 150мл јогурт
- 150мл минерална вода
- 2 јајца
- Прстофат сол
- Масло за печење
Подготовка: Изрендајте ги тиквиците, посолете ги и оставете да отстојат 20 минути, а потоа добро исцедете ги. Измешајте брашно, сол и прашок за печиво во друг сад. Посебно изматете ги јајцата, јогуртот и минералната вода. Додадете ги исцедените тиквички во влажните состојки. Додека мешате со жица за матење, полека додадете ги сувите состојки. Кога смесата е готова, загрејте масло во тавата за палачинки и испечете ги од двете страни додека не заруменат. Притоа, намалете ја температурата веднаш бидејќи овие палачинки се подебели од стандардните, така што им треба повеќе време за да се испечат. Кога ќе ја свртите палачинката на другата страна, можете повторно да ја зголемите температурата. Добар апетит!
