Потребно:
- 1 главица лук
- 5 лажици масло
- 3 супени лажици оцет
- 400 мл млака вода
- 3 лути печени пиперки (може да се користи и сув црвен пипер или суви пиперки)
- Сол по вкус
- Магдонос по вкус
Подготовка: Најпрво исчистете го и измијте го лукот, па ставете го во дрвен сад за толчење на лукот. Можете да го ставите и во блендер, но сосот ќе биде повкусен ако го истолчите со рака во дрвен сад. Посолете го лукот (количината подесете ја според вашите желби) и толчете го додека не добиете мазна смеса, како мајонез. Додадете масло во лукот и мешајте додека сè не се изедначи. Постепено додавајте оцет и измешајте, па додајте млака вода и повторно добро измешајте. На крајот додадете ги пиперките и ситно сечканиот магдонос (по желба), измешајте и послужете со леб. Добар апетит!
