Ротавирусот се наоѓа во околината и затоа е лесно пренослив и многу заразен, а сезоната на инфекција обично трае во текот на зимските и пролетните месеци, иако може да се појави во кое било друго време од годината. И додека најчесто ги погодува малите деца, возрасните исто така можат да ја добијат инфекцијата иако кај нив таа обично е помалку сериозна.
ШТО Е РОТАВИРУС?
Ротавирусот е вид на инфекција која е вообичаена кај деца под петгодишна возраст. “Ротавирусот е вирус кој главно го зафаќа дигестивниот тракт и предизвикува карактеристична клиничка слика со повраќање, пролив и покачена температура“, објаснува педијатарот Мирјана Коларек Каракаш и додава дека најзагрозени се доенчињата, најчесто од ноември до мај. “Значи, сега е сезоната. Почести се епидемиите во градинките. До петта година речиси 95% од децата се инфицираат, а можно е да заболат и повеќе пати“.
СИМПТОМИ И КАКО ДА ГИ ПРЕПОЗНАЕТЕ
Симптомите на ротавирусот се најистакнати кај децата. Според Мајо клиниката, симптомите може да се појават во рок од два деба откако детети било изложено на ротавирус. Најчести симптоми на ротавирусот се сериозни проливи. Но, симптомите вклучуваат и:
- Повраќање
- Црна столица
- Крв во столицата
- Сериозен замот
- Иритација
- Болка во стомакот
- Дехидрација
КАКО СЕ ПРЕНЕСУВА?
“Инфекцијата се пренесува преку воздух, допир, делење прибор за јадење со болно лице. Најважна превенција е миењето на рацете“, нагласува педијатаркара и додава дека постои вакцина против ротавирус која се дава орално на возраст од 6 недели и се повторува уште еднаш до 6 месец од животот. “Посоветувајте се вашиот лекар за ова“, советува педијатарката.
Бебињата и децата на возраст под три години имаат најголем ризик од оваа инфекција. Времето поминато во колектив, исто така, го зголемува ризикот. Затоа е важно да се преземат дополнителни мерки на претпазливост во текот на зимските и пролетните месеци, бидејќи во тој период инфекцијата се јавува најмногу. Ротавирусот е присутен во столицата на заразено лице неколку дена пред да се појават симптомите и до 10 дена по исчезнувањето на симптомите. Вирусот лесно се пренесува преку рацете и устата, дури и ако заразеното лице нема никакви симптоми.
Ако имате ротавирус и не ги измиете рацете по извршувањето нужда или ако вашето дете има ротавирус, а родителот не ги измие рацете откако ќе ги смени пелените или ќе му помогне на детето при нужда – вирусот може да се прошири на се што ќе допрете, вклучително и храна, играчки и прибор.
Вирусот исто така останува на површините до неколку недели откако заразено лице ќе ги допре. Затоа е исклучително важно редовно да се дезинфицираат сите заеднички простории во домот, особено ако некој од домаќинството има ротавирус. Бидејќи има многу видови на ротавирус, можно е да се зарази повеќе од еднаш, дури и ако некое лице е вакцинирано. Сепак, рекурентните инфекции обично се помалку сериозни.
РОТАВИРУС КАЈ ДЕЦАТА
Дехидрацијата претставува најголема грижа кај децата. Малите деца се поподложни на губење на електролити преку повраќање и дијареа бидејќи имаат помала телесна тежина. Детето треба внимателно да се следи поради симптомите на дехидрација, како што се:
- суви и испукани усни
- бледа и ладна кожа
- зголемена жед
- Недостаток на солзи при плачење
- вдлабнати очи
- намалена зачестеност на мокрење (урината е со потемна боја и може да има непријатен мирис)
КОЛКУ ДОЛГО ТРАЕ?
За време на инфекцијата, детето најпрво може да температура и да повраќа. Течниот пролив може да се појави три до седум дена подоцна, а самата инфекција може да трае и до 10 дена по исчезнувањето на симптомите.
Важно е веднаш да побарате помош ако вашето дете има тешка или крвава дијареа, често повраќа, а состојбата не се смирува по три часа, има температура од 39 или повисока, е раздразливо, има болки и има симптоми на дехидрација. Дијагнозата на ротавирус се добива преку примерок од столицата во лабораторија.
