Сите ние имаме лоши денови, дури и децата. Но, на децата може да им биде потешко да се справат со овие емоции бидејќи сè уште не научиле како да ги контролираат. Кога се чувствуваат лошо, тие можат да бидат збунети и несреќни, а понекогаш им е тешко да ги изразат овие чувства. Затоа, важно е да ги поддржиме.
Едукаторката за воспитување и детски психолог Џејми Блох објаснува како можеме да им помогнеме на децата кога се чувствуваат лошо. Таа издвојува шест реченици кои треба да ги слушнат децата доколку имаат лош ден.
Фразите се следниве:
- Жал ми е што се чувствуваш така. Но, многу ми е мило што тоа го сподели со мене.
- Секој прави грешки. Грешките се дел од учењето и постигнувањето успех. Тие не не дефинираат.
- Денес беше лош ден. И јас имам лоши денови. Не можам да го променам она што се случило, но знам што ми помага да се чувствувам подобро во лошите денови. Можеме ли да пробаме нешто заедно за да се чувствуваш подобро?
- Во ред е да се чувствуваш тажно/луто/загрижено. Тоа е нормална реакција на она што се случило.
- Кажи ми повеќе за тоа што се случува и зошто се чувствуваш така. Јас сум тука за тебе и не одам никаде.
- Ајде да го промениме гласот во твојата глава од твој најголем критичар во твој внатрешен тренер. Наместо „Знаев дека ќе згрешам на овој тест/испит“, обиди се да кажеш: „Во ред е, не го добив она на што се надевав. Можам да продолжам да давам се од себе и да се обидам да направам подобро следниот пат“.
„Она што секој родител може да го направи за своите деца е да им помогне да знаат дека се доволни и вредни“, заклучува Блох.
