Секое дете поинаку му пристапува на хранењето, единствено заедничко за сите деца е дека мајчиното млеко е најдобрата можна храна која можат да ја добијат во првите денови од својот живот, и исклучиво на доено дете не треба да му се даваат никакви течности. Имајќи го тоа предвид, ви претставуваме шест чести заблуди за доењето, количината и квалитетот на млекото, поради кои многу мајки неоправдано се откажуваат од доењето.
ДОЈКИТЕ СЕ ИСПРАЗНИЛЕ
Колку се полни дојките не е добар показател за исцицаната количина на мајчино млеко од страна на детето. Оваа ситуација знае да се промени за неколку часа. Често жените кои зачестено и правилно ги ставаат децата на гради никогаш не чувствуваат претерана полност во дојките. Но, понекогаш надоаѓа повеќе млеко отколку то му е потребно на детето. Ниту во едната, ниту во другата ситуација не може да бидете сигурни дека детето испило доволно количина на млеко, ако полноста на градите ви е единствен показател.
ДЕТЕТО ЧЕСТО СЕ БУДИ НОЌЕ
Фактот дека детето спие цела ноќ не е показател дека испило доволно количина на мајчино млеко. Напротив, ако дете старо 10 месеци спие цела ноќ, најчесто не јадело доволно. Познато е дека дете кое премногу спие и не бара да јаде, не добива доволно млеко. Има многу исклучоци, но во овој случај треба да се побара стручна помош.
ДЕТЕТО ПЛАЧЕ ПО ПОДОЈОТ
Иако дете може да плаче по оброкот оти е гладно, постојат и други причини зошто детето може да плаче. Не треба да го лимитирате времето на подој. И спротивно на честите совети да се дои 20 минути на едната, па исто толку време на другата града, подобро е да се заврши со хранењето на една дојка, а тогаш да се премине на другата, ако детето тоа го сака.
ДЕТЕТО ЧЕСТО ЦИЦА ИЛИ ЦИЦЦАЊЕТО ТРАЕ ДОЛГО
На една мајка да го храни детето на секои три часа може да и изгледа пречесто, додека на друга истиот период и е предолг. Хранење кое трае 20 минути, на една мајка и е предолго, а на друга прекратко. Во реалност, не постои правило колку долго или колку често треба да се храни детето.
Не е точно дека детето добива 90% од храната во првите 10 минути од цицањето. Дозволете му на детето само да го одреди распоредот на своето хранење.
При тоа запомнете дека детето може да биде на града и 24 часа, но ако не цица правилно, нема да испие доволно млеко. Ако детето само две минути цица правилно, може да исцица доволно за оброк. Ако детето брзо заспие на дојка постојат одредени постапки со кои може да го “натерате“ да продолжи да јаде.
ДЕТЕТО САКА ШИШЕ ПО ПОДОЈОТ
Ако на детето му понудите шише по подојот и тоа го прифати, тоа не мора да значи дека е гладно по доењето, а ваквиот начин на проверка штети на квалитетот на доење.
ДЕТЕ СТАРО ПЕТ НЕДЕЛИ СЕ ТРГА ОД ДОЈКА, А СЕ ЧИНИ ДЕКА СЕ УШТЕ Е ГЛАДНО
Ова не мора да значи дека мајчиното млеко “пресушило“ или изгубило на квалитет. Во текот на првите недели од животот децата обично заспиваат на дојка кога ќе се намали протокот на млеко, дури и кога не заврѓиле со хранење.
Бебињата од четири до шест недели немаат повеќе потреба да заспијат на дојка за време на хранењето, и често се тргаат од градата. Ова не значи дека количината на млеко се променила, туку се менува детето. Постојат одредени методи, како што е притисок на дојката, за да се “натера“ детето да продолжи да цица.
